ຖືວ່າກະແສການຕອບຮັບດີເກີນຄາດ ສຳລັບຊີຣີ້ລາວເລື່ອງທຳອິດ Untilyou ຈົນກວ່າໄດ້ຮັກກັນ ທີ່ໄດ້ລົງເຜີຍແຜ່ທາງ YouTube ແລະ ເຟສບຸກ Until You ຈົນກວ່າໄດ້ຮັກກັນ ໃນວັນສຸກທີ 1 -22 ຕຸລາ 2016 ທີ່ຜ່ານມາ ລວມມີທັງໝົດ 4 ຕອນ ສຳລັບຄົນທີ່ໄດ້ເບິ່ງຕ່າງກໍ່ບອກເປັນສຽງດຽວກັນວ່າ ເປັນຊີຣີ້ລາວເລື່ອງທຳອິດ ທີ່ເຮັດອອກມາໄດ້ດີຫຼາຍ ແລະ ມ່ວນສຸດໆ ຫຼາຍຄົນເບິ່ງແລ້ວຮູ້ສຶກອິນໄປກັບເນື້ອເລື່ອງ ແລະ ຢາຫໃກ້ມີພາກຕໍ່ໄປ
ເຊິ່ງທາງຜູ້ກຳກັບສຸດຫຼໍ່ ແລະ ຫຼາຍຄວາມສາມາດຢ່າງ Zumo (ຈັນເທວາ ດິດທະວົງ) ກໍ່ໄດ້ໂພສຕ໌ຖາມຄວາມຄິດເຫັນຈາກແຟນເພສ “Untilyou ຈົນກວ່າໄດ້ຮັກກັນ” ເມື່ອວັນທີ 6 ພະຈິກ ທີ່ຜ່ານມາວ່າ “ຢາກໃຫ້ມີພາກ 2 ບໍ່?” ເຊິ່ງກໍ່ມີແຟນເພສເຂົ້າມາສະແດງຄວາມຄິດເຫັນ ຢາກມີອີກ ເຊິ່ງເຮົາກໍ່ຕ້ອງມາລຸ້ນນຳກັນວ່າ ຊີຣີ້ເລື່ອງ Untilyou ຈົນກວ່າໄດ້ຮັກກັນ ຈະມີພາກສອງຕໍ່ ຫຼື ບໍ່? ແຕ່ທີ່ຮູ້ແນ່ນອນ ໃນປີ 2017 ທີ່ຈະມາຮອດນີ້ ທາງທີມງານເພິ່ນໄດ້ແຈ້ງວ່າຈະປ່ອຍຊີຣີ້ເລື່ອງໃໝ່ອອກມາໃຫ້ເບິ່ງ ຊື່ເລື່ອງວ່າ BADFRIEND The series ສະນັ້ນ ແຟນໆຊີຣີ້ລາວກໍ່ອົດໃຈລໍຖ້າຕິດຕາມຜົນງານຂອງພວກເຂົາໄດ້ໄວໆນີ້
ຂໍ້ມູນຂ່າວຈາກ: ເຟສບຸກ Until You ຈົນກວ່າໄດ້ຮັກກັນ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!