ທຸກຄົນເມື່ອມີລູກຕ່າງກໍ່ມີຄວາມປາຖະນາອັນດຽວກັນຄື ຢາກໃຫ້ລູກເປັນຄົນໜ້າຮັກທັງນິໃສ ແລະ ໜ້າຕາ ແລະ ຍັງເປັນເດັກນ້ອຍທີ່ສະຫຼາດ ມີຮ່າງກາຍແຂງແຮງສົມບູນ ແຕ່ທ່ານເຄີຍກັບໄປຄິດຕອນທີ່ທ່ານຍັງເປັນເດັກນ້ອຍຢູ່ບໍ່ວ່າ ທ່ານຢາກໄດ້ພໍ່ແມ່ແບບໃດຫຼາຍທີ່ສຸດ ເຊິ່ງຄຳຖາມນີ້ເປັນຄຳຖາມທີ່ໜ້າສົນໃຈ ໃນວັນນີ້ພວກເຮົາເລີຍມີຄຳຕອບໃນເລື່ອງນີ້ຈາກໃຈຂອງເດັກນ້ອຍມາຝາກກັນ
ລູກຢາກໄດ້ພໍ່ແມ່ທີ່ມີເວລາໃຫ້ສະເໝີ
ຕອນຍັງນ້ອຍ ລູກຢາກໃຫ້ພໍ່ແມ່ເລົ່ານິທານສູ່ຟັງ, ອຸ້ມ, ກອດ, ຫອມແກ້ມ ແລະ ຫຼິ້ນກັບເຂົາ
ໃນໄວອາຍຸໃຫຍ່ຂຶ້ນມາ ລູກຢາກໃຫ້ພໍ່ແມ່ຮັບຟັງ, ເຂົ້າໃຈ ແລະ ເປັນຜູ້ຊ່ວຍເຫຼືອເມື່ອຍາມທີ່ເຂົາມີບັນຫາ
ເມື່ອກ້າວເຂົ້າສູ່ໄວລຸ້ນ ລູກຢາກໃຫ້ພໍ່ແມ່ຄອຍເປັນກຳລັງໃຈ ເປັນທີ່ປຶກສາ ແລະ ແລກປ່ຽນຄວາມຄິດເຫັນຕ່າງໆດ້ວຍຄວາມເຂົ້າໃຈ
ລູກຢາກໄດ້ພໍ່ແມ່ທີ່ໃຫ້ຄວາມສຸກແກ່ພວກເຂົາ
ເລື່ອງນີ້ເປັນເລື່ອງສຳຄັນທີ່ເດັກນ້ອຍທຸກຄົນຕ້ອງການຫຼາຍ ພໍ່ແມ່ຄວນສ້າງບັນຍາກາດໃນເຮືອນໃຫ້ມີຄວາມສຸກອົບອຸ່ນ ແລະ ຄວນສົ່ງເສີມລູກໃຫ້ຮຽນໃນສິ່ງທີ່ລູກມັກ ລູກຝັນ ປ່ອຍໂອກາດໃຫ້ລູກໄດ້ຫຼິ້ນຕາມໄວອາຍຸຂອງເຂົາ
ລູກຢາກໄດ້ພໍ່ແມ່ທີ່ຮັກ ແລະ ເຫັນຄຸນຄ່າໃນໂຕລູກ
ພໍ່ແມ່ຄວນສ້າງຄວາມຮູ້ສຶກໃຫ້ກັບລູກຮູ້ເຖິງຄວາມຮັກທີ່ທ່ານມີຕໍ່ພວກເຂົານັ້ນມັນມີຫຼາຍພຽງໃດ ແລະ ໃຫ້ຄຳຊື່ນຊົມໃນເວລາທີ່ລູກເຮັດຄວາມດີ ເພື່ອໃຫ້ລູກຮູ້ເຖິງຄຸນຄ່າຂອງຕົວເອງ
ຈາກທັງສາມຂໍ້ທີ່ກ່າວມາຂ້າງເທິງນີ້ ເປັນສິ່ງທີ່ພໍ່ແມ່ທຸກຄົນສາມາດເຮັດໄດ້ບໍ່ຍາກ ສະນັ້ນ ເພື່ອຄວາມສຸກຂອງລູກ ເຊື່ອເລີຍວ່າຜູ້ເປັນພໍ່ແມ່ຕ້ອງເຮັດໄດ້ແນ່ນອນ
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!