ອີງຕາມການ ຊີ້ນຳຂອງທ່ານ ເຈົ້າຄອງນະຄອນຫຼວງວຽງຈັນ ໄດ້ມອບໝາຍໃຫ້ ທາງອຳນາດການປົກຄອງເມືອງຈັນທະບູລີ ເປັນເຈົ້າພາບຈັດງານສະເຫຼີມສະຫຼອງ ວັນປະດິດສະຖານຂອງເຈົ້າອະນຸວົງ ຄົບຮອບ 6 ປີ (2/11/2010-2/11/2016) ເຊິ່ງຈະຈັດຂຶ້ນໃນວັນທີ 9-10 ພະຈິກ 2016 ນີ້ຢ່າງເປັນທາງການ

ເຊິ່ງຖືວ່າ ເປັນປາງບຸນທີໃຫຍ່ຂອງປວງປະຊາຊົນລາວ, ດັ່ງນັ້ນ ຈຶ່ງຢາກຂໍເຊີນຊວນພໍ່ແມ່ປະຊາຊົນ ທີ່ຢູ່ໃກ້ ແລະໄກມາຮ່ວມງານໃນຄັ້ງນີ້ ເຊິ່ງຈະໄດ້ເລີ່ມຈັດຂຶ້ນໃນເວລາ 9 ໂມງ ຂອງວັນທີ 9 ພະຈິກ ດ້ວຍການແຫ່ອຸປະຄົດ ຫຼັງຈາກນັ້ນກໍເລີ່ມຕັ້ງກອງບຸນ ແລະໃນເວລາ 16:00 ໂມງ ຈະໄດ້ເລີ່ມສູດປະລິຕະມຸງຄຸນ ພ້ອມມີການຄົບງັນຕາມປະເພນີ

ໃນຕອນເຊົ້າຂອງວັນທີ 10 ພະຈິກ 2016 ຈະໄດ້ມີພິທີໃສ່ບາດ ແລະຖະຫວາຍສັງຄະທານ, ໃນງານຄັ້ງນີ້ໄດ້ມີຜູ້ສັດທາກອງບຸນ 23 ກອງ, ໃນນັ້ນຂອງເມືອງຈັນທະບູລີ 11 ກອງ