ສຳນັກຂ່າວຕ່າງປະເທດ ລາຍງານໃນວັນທີ 7 ພະຈິກຜ່ານມານີ້ວ່າ ຜູ້ໂດຍສານສາຍການບິນ ແອຣ໌ໂຣແມັກຊິໂກ ພາກັນແຕກຕື່ນ ພາຍຫລັງພົບເຫັນງູເລືອອອກມາ ຈາກຊັ້ນເກັບມ້ຽນເຄື່ອງເທິງເພດານເຮືອບິນ ຊຶ່ງມີຄວາມຍາວປະມານ 1.5 ແມັດ ຈົນເຮັດໃຫ້ກັບຕັນເຮືອບິນ ຕັດສິນໃຈຂໍລົງຈອດກ່ອນຄິວ ເພື່ອໃຫ້ເຈົ້າໜ້າທີ່ອະນຸລັກສັດ ເຂົ້າຄວບຄຸມສະຖານະການ.
ຈາກຄລິບວີດີໂອທີ່ມີການເຜີຍແຜ່ເຫັນວ່າ ງູສີຂຽວໂຕດັ່ງກ່າວ ໄດ້ຂົດຢູ່ດ້ານລຸ່ມຂອງຫລອດໄຟ ດ້ານເທິງຫົວບ່ອນນັ່ງຜູ້ໂດຍສານ ຊຶ່ງເປັນຖ້ຽວບິນ 230 ຂອງສາຍການບິນ ແອຣ໌ໂຣແມັກຊິກໂກ ກຳລັງເດີນທາງຈາກເມືອງທໍເຣອອນ ໂດຍມີຈຸດໝາຍປາຍທາງ ໄປລົງທີ່ນະຄອນຫລວງແມັກຊິໂກຊິຕີ້, ງູໂຕດັ່ງກ່າວ ໄດ້ຂົດຢູ່ດ້ານເທິງດັ່ງກ່າວເປັນເວລາປະມານ 10 ວິນາທີ ຈາກນັ້ນກໍຕົກລົງມາດ້ານລຸ່ມພື້ນຫ້ອງໂດຍສານ ເຮັດໃຫ້ລູກເຮືອຕ້ອງແຈ້ງກັບຕັນ ແລະ ຕັດສິນໃຈນຳເຮືອບິນລົງຈອດກ່ອນກຳນົດ ເພື່ອໃຫ້ເຈົ້າໜ້າທີ່ຄວບຄຸມສັດ ມາຈັບເອົາງູໂຕດັ່ງກ່າວອອກໄປ.
https://www.youtube.com/watch?v=F5niJQeo5QM
ຕິດຕາມເຮົາທາງFacebook ກົດຖືກໃຈເລີຍ!