ເຈົ້າຄອງນະຄອນທາງພາກກາງຂອງຟິລິບປິນ ທີ່ຖືກກ່າວຫາພົວພັນຂະບວນການຄ້າຢາເສບຕິດ ແລະ ກັກ ຂັງຢູ່ໃນຄຸກ ຖືກຕຳຫຼວດຍິງເສຍຊີວິດໃນວັນທີ 5 ພະຈິກທີ່ຜ່ານມາ ໂດຍຕຳຫຼວດອ້າງຜູ້ຕາຍຕໍ່ສູ້ຂັດຂື່ນ ຂະນະເຂົ້າກວດຄົ້ນຫາອາວຸດ ແລະ ຢາເສບຕິດຢູ່ໃນຄຸກ.
ຕາມຂ່າວຕ່າງປະເທດລາຍງານວ່າ: ທ່ານ ໂຣລັນໂດ ເອສປິໂນຊາ ເຈົ້າຄອງນະຄອນເມືອງ ອາບູເອຣາ ແຂວງ ເລຍເຕ ທາງພາກກາງຂອງຟິລິບປິນ ທີ່ເຄີຍຖືກທ່ານ ໂຣດຣິໂກ ດູເຕີເຕ ປະທານາທິບໍດີຟິລິບປິນລະບຸວ່າ ເປັນໜຶ່ງໃນເຈົ້າໜ້າທີ່ລັດຫຼາຍກວ່າ 160 ຄົນ ທີ່ຕ້ອງສົງໄສພົວພັນກັບຂະບວນການຄ້າຢາເສບຕິດ ຖືກຕຳຫຼວດສືບສວນອາດຊະຍາກຳຍິງເສຍຊີວິດ ພ້ອມກັບ ຣາອູລຍັບ ຜູ້ຕ້ອງຂັງອີກຄົນ ພາຍໃນຄຸກແຂວງເລຍເຕໃນວັນທີ 5 ພະຈິກທີ່ຜ່ານມາຫຼັງເກີດຍິງຕໍ່ສູ້ກັນ.
ຫຼັງຈາກທ່ານ ໂຣດຣິໂກ ດູເຕີເຕ ຂຶ້ນດຳລັງຕຳແໜ່ງປະທານາທິບໍດີຟິລິບປິນ ແລະປະກາດຈະກຳຈັດຢາເສບຕິດພາຍໃນປະເທດແບບເຄັ່ງຄັດເຮັດໃຫ້ມີການຂ້າກຸ່ມຜູ້ຄ້າຢາ ແລະ ຜູ້ທີ່ກ່ຽວຂ້ອງໄປແລ້ວ 4 ພັນຄົນ.
ຂ່າວຈາກ: ເສດຖະກິດ-ສັງຄົມ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!