ເມື່ອວັນທີ 5 ພະຈິກ 2016 ທີ່ຜ່ານມາ ເວັບໄຊເດິຊັນ ລາຍງານວ່າ ເທິງເຮືອບິນຂອງສາຍການບິນໄຣອັນແອຣ໌ ທ້ຽວບິນຈາກກຸງບຣັສເຊລ ປະເທດເບລຢຽມ ປາຍທາງສູ່ປະເທດ ມອລຕາ ເກີດເຫດຜູ້ໂດຍສານອາລະວາດຜິດກັນຢ່າງຢ່າງຮຸນແຮງ

ເຫດການດັ່ງກ່າວໄດ້ເລີ່ມຕົ້ນຂຶ້ນເມື່ອມີຍິງອາຍຸສູງຄົນໜຶ່ງປັບຕັ່ງນັ່ງຜູ້ໂດຍສານ ແລ້ວນາງຖືກຜູ້ ຊາຍຄົນໜຶ່ງຕົບເຂົ້າທີ່ຫົວ ຜູ້ຍິງຄົນນັ້ນຈິ່ງຮ້ອງຂຶ້ນວ່ານາງຖືກຕີ ແລ້ວມີກຸ່ມຜູ້ຊາຍຈຳນວນໜຶ່ງບໍ່ພໍໃຈ ລຸກມາ ຈາກບ່ອນນັ່ງເພື່ອສອບຖາມ ແລະ ເລີ່ມມີປາກສຽງຜິດຖຽງກັນ ຈາກນັ້ນກໍ່ມີຜູ້ຊາຍຊາວເບລຢຽມອີກສອງຄົນລຸກຂຶ້ນມາເບິ່ງເພື່ອໄກ່ເກ່ຍ ແລະ ຈາກການເຈລະຈາກໍ່ປ່ຽນເປັນການຖົກຖຽງກັນຈົນວຸ້ນວາຍ ກຸ່ມຜູ້ຊາຍໄດ້ເລີ່ມຊົກຕີກັນ ແລ້ວມີພະນັກ ງານຕ້ອນຮັບເທິງເຮືອບິນໄດ້ອອກມາຫ້າມ ແລະ ແຍກຜູ້ໂດຍສານອອກຈາກກັນ ແຕ່ກໍ່ຖືກຜູ້ໂດຍສານຕົບເຂົ້າໜ້າຢ່າງເຕັມໆ ເຫດການໄດ້ເລີ່ມຮ້າຍແຮງຂຶ້ນເລື່ອຍໆ ເພາະກຸ່ມຄົນຜູ້ໂດຍສານທີ່ໂວຍວາຍ ຈະເປີດປະຕູເຮືອບິນ ໂດຍເຫດການນີ້ໄດ້ເຮັດໃຫ້ຜູ້ໂດຍສານທັງລຳຢູ່ໃນສະພາບວິຕົກກັງວົນ ທັງເຈົ້າໜ້າທີ່ຕ້ອນຮັບເທິງເຮືອບິນ ແລະ ຜູ້ໂດຍສານຈຳນວນຫຼາຍຄົນໄດ້ພາກັນລຸກໄປຢືນບັງປະຕູໄວ້ ເພື່ອບໍ່ໃຫ້ກຸ່ມຜູ້ທີ່ກໍ່ເຫດວຸ້ນວາຍໄປທີ່ປະຕູໄດ້ ເມື່ອເຫດ ການເປັນແບບນີ້ກັບຕັນທີມ ຈິ່ງຕັດສິນໃຈລົງຈອດສຸກເສີນທີ່ສະໜາມບິນໃນເມືອງ ປີຊ່າ ປະເທດ ອີຕາລີ

ສຳລັບຄົນທີ່ກໍ່ເຫດຄວາມວຸ້ນວາຍເທິງເຮືອບິນໃນຄັ້ງນີ້ໄດ້ຖືກເຈົ້າໜ້າຕຳຫຼວດທີ່ຈັບຕົວໄປດຳເນີນຄະດີໃນຂໍ້ຫາ ສ້າງຄວາມວຸ້ນວາຍເທິງເຮືອບິນ ເປັນທີ່ຮຽບຮ້ອຍແລ້ວ

ຄລິບໃນຂ່າວນີ້ຖ່າຍໂດຍ ທອມມີ່ ແອງເກເຣີ ວິຊະວະກອນຊາວມອລຕາ ໜຶ່ງໃນຜູ້ໂດຍສານ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!