ສຳນັກຂ່າວຕ່າງປະເທດ ລາຍງານໃນວັນທີ 4 ພະຈິກນີ້ວ່າ ທ່ານ ພົນເອກ ວິນເຊນ ບຣູກສ໌ ຜູ້ບັນຊາການທະຫານ ສະຫະລັດອາເມຣິກາ ປະຈຳເກົາຫລີໃຕ້ ໄດ້ຖະແຫລງວ່າ ລະບົບປ້ອງກັນຂີປະນາວຸດໃນບັນຊາກາດຊັ້ນສູງ (Terminal High Altitude Area Defense) ຫລື THAAD ຈະຖືກສົ່ງເຂົ້າມາຕິດຕັ້ງຢູ່ເກົາຫລີໃຕ້ ພາຍໃນອີກ 8-10 ເດືອນຂ້າງໜ້ານີ້ ໂດຍທ່ານໄດ້ກ່າວວ່າ ການນຳອາວຸດທາງຍຸດທະສາດ ເຂົ້າມາໝູນວຽນປະຈຳການເທິງແຫລມເກົາຫລີ ຈະຊ່ວຍປ້ອງກັນເກົາຫລີເໜືອ ບໍ່ໃຫ້ມີພຶດຕິກຳຍຸແຍ່ສ້າງສະຖານະການ ແລະ ລະບົບ THAAD ທີ່ຈະຖືກສົ່ງມາເກົາຫລີໃຕ້ນີ້ ຈະມີຂະໜາດທີ່ໃຫຍ່ກວ່າ ລະບົບທີ່ນຳໃຊ້ປ້ອງກັນເກາະກວມຂອງອາເມຣິກາ ອີກດ້ວຍ.

ທັງນີ້ ສະຫະລັດອາເມຣິກາ ແລະ ລັດຖະບານເກົາຫລີໃຕ້ ໄດ້ບັນລຸຂໍ້ຕົກລົງກັນ ຈັດສົ່ງລະບົບ THAAD ເຂົ້າມາປະຈຳການຢູ່ເກົາຫລີໃຕ້ ເພື່ອປ້ອງກັນໄພຄຸກຄາມ ຈາກລູກສອນໄຟຂອງເກົາຫລີເໜືອ, ແນວໃດກໍຕາມ ການນຳເອົາລະບົບດັ່ງກ່າວນີ້ເຂົ້າມາ ໄດ້ສ້າງຄວາມບໍ່ພໍໃຈຕໍ່ຈີນ, ຣັດເຊຍ ແລະ ແນ່ນອນ ແມ່ນຕໍ່ກັບເກົາຫລີເໜືອເອງ ທີ່ຖືການເຄື່ອນໄຫວດັ່ງກ່າວນີ້ ຍິ່ງເປັນການເທນ້ຳມັນໃສ່ກອງໄຟ ຕໍ່ກັບສະຖານະການເຄັ່ງຕຶງຢູ່ແຫລມເກົາຫລີ.

 
ຕິດຕາມເຮົາທາງFacebook ກົດຖືກໃຈເລີຍ!