ສຳນັກຂ່າວຕ່າງປະເທດ ລາຍງານໃນວັນທີ 2 ພະຈິກຜ່ານມານີ້ວ່າ ເກີດເຫດໄຟໄໝ້ຮຸນແຮງ ຮ້ານຄາລາໂອເກະແຫ່ງໜຶ່ງ ຢູ່ເຂດເກິ່ວເຢີີ້ຍ (Cầu Giấy) ໃຈກາງນະຄອນຫລວງຮ່າໂນ້ຍ ປະເທດຫວຽດນາມ ໃນຕອນບ່າຍຂອງວັນອັງຄານທີ 1 ພະຈິກ 2016 ສົ່ງຜົນເຮັດໃຫ້ມີຜູ້ເສຍຊີວີດ 13 ຄົນ ແລະ ມີເຈົ້າໜ້າທີ່ຕຳຫລວດ ໄດ້ຮັບບາດເຈັບຈາກການເຂົ້າຊ່ວຍເຫລືອອີກ 2 ຄົນ.
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ໄດ້ມີຄຳສັ່ງໃຫ້ເຈົ້າໜ້າທີ່ຕຳຫລວດ ດຳເນີນການສືບສວນໂດຍທັນທີ ເຖິງສາເຫດຂອງໄຟໄໝ້ ແລະ ໃຫ້ລົງໂທດຕໍ່ຜູ້ກະທຳຜິດຕາມກົດໝາຍ ພ້ອມທັງຮຽກຮ້ອງໃຫ້ເຈົ້າໜ້າທີ່ຕຳຫລວດທ້ອງຖິ່ນ ດຳເນີນການກວດກາຄືນ ບັນດາມາດຕະການຮັກສາຄວາມປອດໄພ ຈາກເຫດອັກຄີໄພ ແລະ ອຸປະກອນປ້ອງກັນຕ່າງໆ ຢູ່ບັນດາຮ້ານອາຫານ ແລະ ຮ້ານຄາລາໂອເກະຢ່າງເຂັ້ມງວດ.
ຕິດຕາມເຮົາທາງFacebook ກົດຖືກໃຈເລີຍ!