spot_img
Homeຂ່າວເຫດການຜົນສຳເລັດຂອງຄະນະຜູ້ແທນສະພາແຫ່ງຊາດລາວ ທີ່ເຂົ້າຮ່ວມກອງປະຊຸມສະມັດຊາໃຫຍ່ ຂອງໄອຟີຢູ ຄັ້ງທີ 135 ທີ່ນະຄອນເຊີແນວ

ຜົນສຳເລັດຂອງຄະນະຜູ້ແທນສະພາແຫ່ງຊາດລາວ ທີ່ເຂົ້າຮ່ວມກອງປະຊຸມສະມັດຊາໃຫຍ່ ຂອງໄອຟີຢູ ຄັ້ງທີ 135 ທີ່ນະຄອນເຊີແນວ

Published on

ຄະນະຜູ້ແທນສະພາແຫ່ງຊາດນຳໂດຍທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດລາວ, ໄດ້ເດີນທາງເຂົ້າຮ່ວມກອງປະຊຸມສະມັດຊາໃຫຍ່ຂອງສະຫະພັນລັດຖະສະພາສາກົນ ຫລື ໄອຟີຢູ (Inter-Parliamentary Union ຫລື IPU) ຄັ້ງທີ 135 ຊື່ງໄດ້ຈັດຂຶ້ນແຕ່ວັນທີ 23-27 ຕຸລາ 2016 ທີ່ນະຄອນເຊີແນວ, ປະເທດສະວິດ ດ້ວຍຜົນສໍາເລັດອັນຈົບງາມ.
ກອງປະຊຸມມີຈຸດປະສົງເພື່ອພິຈະລະນາ, ປຶກສາຫາລື ແລະ ແລກປ່ຽນຄຳຄິດເຫັນຕໍ່ຫລາຍບັນ ຫາທີ່ພົວພັນເຖີງການຈັດຕັ້ງຂອງສະຫະພັນລັດຖະສະພາສາກົນ, ບັນຫາທີ່ຮີບດ່ວນຂອງແຕ່ລະປະເທດສະມາຊິກທີ່ພົວພັນເຖີງປະຊາທິປະໄຕ ແລະ ສິດທິມະນຸດ, ການປະຕິບັດພາລະບົດບາດ ແລະການເຄື່ອນໄຫວຂອງອົງການໄອຟີຢູ, ວຽກງານຂອງສະຫະປະຊາຊາດ. ຄະນະຜູ້ແທນສະພາແຫ່ງຊາດລາວໃນຖານະເປັນສະມາຊິກຂອງອົງການ ໄອຟີຢູ ແລະ ໃນນາມຜູ້ແທນກອງປະຊຸມກໍໄດ້ປະ ກອບສ່ວນສະແດງທັດສະນະຈຸດຍືນຂອງຕົນ ແລະ ປະກອບຄຳຄິດເຫັນຢ່າງສ້າງສັນຕໍ່ກັບບັນຫາທີ່ກອງປະຊຸມຍົກຂື້ນ ໂດຍສະເພາະໄດ້ລາຍງານກ່ຽວກັບການເລືອກຕັ້ງສະມາຊິກສະພາແຫ່ງຊາດ ຊຸດທີ VIII, ອັດຕາສ່ວນຂອງແມ່ຍິງໃນສະພາແຫ່ງຊາດ, ການສ້າງຕັ້ງສະພາປະຊາຊົນແຂວງ, ການປະຕິບັດເປົ້າໝາຍດ້ານການພັດທະນາແບບຍືນຍົງ. ຜ່ານການດຳເນີນກອງປະຊຸມຄັ້ງນີ້ ແລະ ກອງປະຊຸມທີ່ປິ່ນອ້ອມອື່ນໆ ຄະນະຜູ້ແທນໄດ້ຮັບຟັງການລາຍງານ ແລະ ແລກປ່ຽນຄຳເຫັນຕາມຫົວຂໍ້ວາລະຂອງກອງປະຊຸມຈາກຜູ້ຕາງໜ້າກຸ່ມລັດຖະສະພາອາຊີ-ປາຊີຟິກ, ເອີຣົບ, ອາຟຣິກາ, ອາເມຣິກາ, ອາເມຣິກາລາຕິນ ແລະ ກຸ່ມອື່ນໆ, ພ້ອມທັງຕົກລົງຮັບຮອງເອົາບົດລາຍງານ ແລະ ມະຕິຈຳນວນໜື່ງຢ່າງເປັນເອກກະສັນ ເປັນຕົ້ນແມ່ນບົດລາຍງານຜົນການອະຟິບາຍທົ່ວໄປຂອງກອງປະຊຸມຄົບຄະນະ, ແຜນຍຸດທະສາດການເຄື່ອນໄຫວວຽກງານຂອງໄອຟິຢູ ປະຈຳສົກປີ 2017-2021, ມະຕິວ່າດ້ວຍສິດທິເສລິພາບຂອງແມ່ຍິງໃນການເຂົ້າຮ່ວມຂະບວນເຄື່ອນໄຫວທາງການເມືອງຢ່າງເຕັມສ່ວນ, ຢ່າງມີຄວາມປອດໄຟ ໂດຍປະສະຈາກການແຊກແຊງໃດໆ, ພ້ອມທັງສ້າງຄູ່ຮ່ວມມືລະຫວ່າງຜູ້ຊາຍ ແລະ ແມ່ຍິງແນໃສ່ບັນລຸຈຸດປະສົງເປົ້າໝາຍ, ມະຕິວ່າດ້ວຍການຮັບຮອງເອົາບັນຫາທີ່ຮິບດ່ວນກ່ຽວກັບສົງຄາມ ແລະ ສະພາບການດ້ານມະນຸດສະທຳໃນປະເທດຊີເຣຍ, ໂດຍສະເພາະໃນນະຄອນຫລວງເອລິບໂປ, ຊື່ງກອງປະຊຸມໄດ້ກ່າວປະນາມການກໍ່ສົງຄາມດັ່ງກ່າວ, ຊື່ງເປັນເຫດການທີ່ຮຸນແຮງສົ່ງຜົນໃຫ້ເກີດມີການຄາດຕະກຳບັນດາປະຊາຊົນພົນລະເມືອງສາມັນຊົນທຳມະດາ, ພ້ອມທັງຮຽກຮ້ອງໃຫ້ທຸກຝ່າຍທີ່ມີສ່ວນກ່ຽວຂ້ອງຈົ່ງສະໜັບສະໜູນໃຫ້ຢຸດຕິສົງຄາມ ແລະ ຫັນໜ້າເຂົ້າກັນເພື່ອເຈລະຈາກັນຢ່າງຈິງຈັ່ງ ແນໃສ່ເຮັດໃຫ້ສະພາວະສົງຄາມສິ້ນສຸດລົງ, ສະພາບການດ້ານການເມືອງ ແລະຮັບປະຮັບຊີວິດຂອງຜູ້ຊາຍ, ແມ່ຍິງ ແລະ ເດັກນ້ອຍ ມາສູ່ສະພາວະປົກກະຕິ. ພ້ອມນີ້, ກອງປະຊຸມຍັງໄດ້ຮຽກຮ້ອງໃຫ້ບັນດາລັດຖະສະພາ ແລະ ສະມາຊິກລັດຖະສະພາທີ່ເປັນສະມາຊິກຂອງ ໄອຟິຢູ ຈົ່ງປະຕິບັດບົດບາດຂອງຕົນໃນການຊ່ວຍຍຸດຕິສົງຄາມ ແລະ ນຳເອົາການຊ່ວຍເຫລືອດ້ານມະນຸດສະທຳມາສູ່ປະຊາຊົນໃນປະເທດນີ້ ແລະ ສຶບຕໍ່ປະຕິບັດເປົ້າໜາຍສະຫະສະວັດດ້ານການພັດທະນາແບບຍືນຍົງຕາມສະພາບຄວາມເປັນຈິງຂອງປະເທດໃຜມັນ.

ກອງປະຊຸມຄັ້ງນີ້, ໄດ້ເຫັນດີຕົກລົງຢ່າງເປັນເອກະພາບໃຫ້ລັດຖະສະພາ ຂອງປະເທດບັງກາລາເທດຈັດກອງປະຊຸມສະມັດຊາໃຫຍ່ຄັ້ງທີ 136 ທີ່ນະຄອນຫລວງດາກ້າໃນລະຫວ່າງວັັນທີ 1-5 ເມສາ 2017 ແລະ ມອບໃຫ້ ລັດຖະສະພາຂອງສະຫະພັນລັດເຊຍຈັດກອງປະຊຸມສະມັດຊາໃຫຍ່ຄັ້ງທີ 137 ທີ່ນະຄອນປີເຕີສະເບີກໃນເດືອນຕຸລາປີ 2017.

ຂ່າວ: ລາວພັດທະນາ

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...