ສຳນັກຂ່າວຕ່າງປະເທດ ລາຍງານໃນວັນທີ 31 ຕຸລາຜ່ານມານີ້ວ່າ ເກີດເຫດແກັສລະເບີດ ຢູ່ບໍ່ຖ່ານຫີນ Jinshangou ຢູ່ເມືອງໄຫລຊູ ນະຄອນສົງຊິ່ງ ທາງພາກຕາເວັນຕົກສຽງໃຕ້ຂອງຈີນ ໃນຂະນະທີ່ມີກຳມະກອນເຮັດວຽກຢູ່ໃຕ້ດິນ ຈຳນວນ 35 ຄົນ ສົ່ງຜົນເຮັດໃຫ້ມີຜູ້ເສຍຊີວິດແລ້ວ ຢ່າງໜ້ອຍ 15 ຄົນ ແລະ ສູນຫາຍເຖິງ 18 ຄົນ ຊຶ່ງມີພຽງແຕ່ 2 ຄົນເທົ່ານັ້ນ ທີ່ສາມາດຫລົບໜີອອກມາໄດ້ທັນ.
ປັດຈຸບັນໜ່ວຍກູ້ໄພຂອງຈີນ ຫລາຍກວ່າ 200 ຄົນ ກຳລັງດຳເນີນການຄົ້ນຫາຜູ້ສູນຫາຍ, ດ້ານສຳນັກງານກວດກາຄວາມປອດໄພບໍ່ຖ່ານຫີນ ປະຈຳນະຄອນສົງຊິ່ງ ໄດ້ອອກຄຳສັ່ງໃຫ້ບໍ່ຖ່ານຫີນທຸກແຫ່ງ ພາຍໃນຂອບເຂດຄວາມຮັບຜິດຊອບຂອງຕົນ ລະງັບການຜະລິດໄວ້ຊົ່ວຄາວ ເພື່ອລໍຖ້າກວດກາຄວາມປອດໄພ ຫລັງຈາກເຫດການດັ່ງກ່າວນີ້.
ຕິດຕາມເຮົາທາງFacebook ກົດຖືກໃຈເລີຍ!