ເປັນເລື່ອງໃຫຍ່ໂຕກັນຂ້າມຄືນກັນເລີຍເມື່ອມີຜູ້ຫຼິ້ນນາມວ່າ: Trivial_sublime ຈາກປະເທດມຽນມາໄດ້ລາຍງານໃນ Reddit ວ່າບໍ່ສາມາດຫຼິ້ນເກມໃນ Origin ທີ່ຊື້ມາໄດ້ແມ້ແຕ່ເກມດຽວ ໂດຍລາວກ່າວວ່າເມື່ອລ໋ອກອິນແລ້ວພົບຂໍ້ຄວາມ “Access Denied” ແລະເມື່ອໄປຫາໃນ Google ກໍພົບວ່າ ລະບົບ Origin ນັ້ນໃຊ້ງານໃນປະເທດມຽນມາບໍ່ໄດ້ແລ້ວ.
ເຊັ່ນດຽວກັນກັບຜູ້ຫຼິ້ນຊາວອີຣານອີກຄົນທີ່ບໍ່ສາມາດໃຊ້ Origin ໄດ້ຄືກັນ, ໂດຍຄຳຕອບຂອງທາງ Community Manager ທີ່ເປັນໂຕແທນຂອງ EA ນັ້ນກ່າວວ່າອັບເດດ Origin 10 ຫຼ້າສຸດນັ້ນຈຳເປັນຕ້ອງເຮັດຕາມກົດໝາຍຂອງສະຫະລັດອາເມຣິກາ (ທີ່ EA ຕັ້ງຢູ່) ແລະບລັອກການໃຊ້ງານໃນບາງປະເທດ (ນັ້ນກໍຄືປະເທດທີ່ທາງສະຫະລັດອາເມຣິກາ ກຳລັງຂວ້ຳບາດຢູ່ນັ້ນເອງ) ເຊັ່ນ: ຄິວບາ, ອີຣານ, ມຽນມາ, ຊູດານ, ຊີເຣຍແລະເຂດໄຄຣ໌ເມຍຂອງປະເທດຢູເຄຣນ. ແຕ່ມີເລື່ອງແປກຢູ່ຢ່າງໜຶ່ງຄື ຊ່ວງຕົ້ນເດືອນປະທານາທິບໍດີສະຫະລັດອາເມຣິກາໄດ້ປະກາດຍົກເລີກຂວ້ຳບາດມຽນມາໄປແລ້ວ ແຕ່ວ່າກໍຍັງຖືກບລັອກຢູ່.
ຫຼ້າສຸດນີ້ເອງທາງໂຕແທນ EA ກໍໄດ້ອອກມາກ່າວວ່າກຳລັງພະຍາຍາມໃຫ້ຜູ້ຫຼິ້ນໃນມຽນມາກັບມາຫຼິ້ນໄດ້ໄວທີ່ສຸດແລະຂໍອະໄພສຳລັບຄວາມບໍ່ສະດວກ ແລະຈະອັບເດດຄວາມຄືບໜ້າໃຫ້ໄວທີ່ສຸດ, ແຕ່ສຳລັບເກມເມີ້ໃນປະເທດອື່ນໆ ທີ່ຖືກສະຫະລັດຯຂຶ້ນບັນຊີດຳນັ້ນອາດຈະລຳບາກກວ່າເພາະບໍ່ມີກົດໝາຍໃດໆ ຄຸ້ມຄອງແລະບໍ່ສາມາດຮຽກຮ້ອງໃຫ້ຄືນເງິນໄດ້ນຳ ເວົ້າໄດ້ວ່າເສຍເງິນໄປລ້າໆເລີຍ.
ຖ້າທຽບກັນກັບທາງ Steam ຍັງຖືວ່າອ່ອນຂໍ້ໃຫ້ກວ່າເລັກນ້ອຍ ໂດຍຍັງໃຫ້ຜູ້ຫຼິ້ນຈາກປະເທດດັ່ງກ່າວຫຼິ້ນເກມໃນ Library ທີ່ຊື້ໄປແລ້ວໄດ້ ແຕ່ວ່າບໍ່ສາມາດຊື້ເກມໃໝ່ໆໄດ້ ເວົ້າໄດ້ວ່າເປັນກໍລະນີສະເທືອນໃຈຫຼາຍທີ່ສຸດສຳລັບຊາວເກມເມີ້ຮ່ວມໂລກຂອງເຮົາແທ້ໆ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station