ອີງຕາມການລາຍງານຂອງສຳນັກຂ່າວຕ່າງປະເທດລາຍງານວັນທີ 29 ຕຸລາຜ່ານມານີ້ວ່າ ສຳຫຼວດ 60% ຂອງຄົນຈີນທີລວຍ ມີແຜນຈະລົງທຶນທຸລະກິດ ແລະຍ້າຍອາໄສ ໄປຢູ່ຕ່າງປະເທດພາຍໃນເວລາ 3 ປີ ໂດຍປະເທດທີ່ບັນດາເສດຖີຈີນມັກທີ່ສຸດແມ່່ນ ປະເທດອາເມລິກາ ໂດຍແມ່ນ 3 ລັດຄື ລອນແອນເຈລິດ, ຊານ ຟຣານຊິດໂກ ແລະຊີແອດເທິນ

ເສດຖີຂອງຈີນ 56% ບອກວ່າ ພວກເຂົາມີຄວາມກັງວົນໃຈ ກ່ຽວກັບຄ່າເງິນຢວນຫຼຸດລົງ ຮ້ອຍລະ 10 ເມື່ອທຽບກັບເງິນດອນລາ ໃນຊ່ວງລະດູຮ້ອນທີ່ຜ່ານມາ. ຜົນສຳຫຼວດຄັ້ງນີ້ ເກີດຈາກການສົນທະນາກັບ ຄົນລວຍໃນປະເທດຈີນ ເມື່ອເດືອນສິງຫາ- ເດືອນຕຸລາ ທີ່ຜ່ານມາ ຈໍານວນ 240 ຄົນ ເຊິ່ງທັງໝົດມີສັບສິນປະມານ 27 ລ້ານຢວນ ແລະທຸກຄົນກໍວາງແຜນອະນາຄົດໄວ້ທີ່ຕ່າງປະເທດ

Rupert Hoogewerf ປະທານກຳມະການຂອງ Hurun Report ເວົ້າວ່າ ຄ່າເງິນຢວນທີ່ອ່ອນລົງ ສົ່ງຜົນເຮັດໃຫ້ນັກທຸລະກິດຈຳນວນຫຼາຍ ມີຄວາມກັງວົນໃຈ ເກີດຄວາມວຸ້ນວາຍໃນເສດຖະກິດ ແລະເຮັດໃຫ້ອະສັງຫາລິມະສັບລົ້ມ ເຮັດໃຫ້ພວກເຂົາຊອກຫາທາງອອກໃນຕ່າງປະເທດ

ໃນປັດຈະບັນຢູ່ໃນຈີນ ມີຄົນທີ່ມີຊັບສິນຫຼາຍກວ່າ 10 ລ້ານຢວນ ປະມານ 1.34 ລ້ານຄົນ ໃນຈຳນວນນີ້ 60% ຫຼືຄິດເປັນ 800.000 ຄົນ ທີ່ກຳລັງຕ້ອງການລົງທຶນໃນຕ່າງປະເທດ ເຊິ່ງປະເທດອັນດັບທຳອິດທີ່ຈີນຍ້າຍໄປອາໄສຢູ່ແມ່່ນ ສະຫະລັດອາເມລິກາ, ຮອງລອງມາແມ່ນອັງກິດ, ແຄນນາດາ, ອອດເຕເລຍ ແລະສິງກະໂປ