ບໍລິສັດເງິນທຶນສາກົນ(ໄອເອຟຊີ)ໃຫ້ເງິນສະໜັບສະໜູນ“ຢູໄນເຕັດ ອິນເຕີເນຊັນແນລກຣຸບ”ກຸ່ມຜູ້ນຳດ້ານໂຮງແຮມທ້ອງຖິ່ນຂອງມຽນມາກູ້ຢືມເງິນຈຳນວນ 13,2 ລ້ານໂດລາສະຫະລັດເພື່ອຂະຫຍາຍໂຮງແຮມ 2 ແຫ່ງ.
ອຸດສາຫະກຳທ່ອງທ່ຽວເປັນສ່ວນປະກອບສຳຄັນຫຼາຍຂອງເສດຖະກິດມຽນມາສ້າງຈີດີພີໄດ້ຫຼາຍເຖິງ 3 ລ້ານໂດລາໃນປີ 2014 ແລະ ຄາດວ່າທຸລະກິດການທ່ອງທ່ຽວຈະມີການເຕີບໂຕ 8,4% ຕໍ່ປີ ຕໍ່ເນື່ອງຈົນເຖິງປີ 2025 ພ້ອມທັງຄາດວ່າ ຈະສາມາດສ້າງວຽກເຮັດໄດ້ເຖິງ 2 ລ້ານຄົນ, ທັງນີ້ໂຮງແຮມໃໝ່ 144 ຫ້ອງຢູພຸກາມ ແລະ 130 ຫ້ອງຢູ່ເຂດທະເລສາບອິນເລ ຈະມີການອອກແບບທີ່ສອດຄ່ອງກັບນະໂຍບາຍຂອງໄອເອຟຊີໃນການກໍ່ສ້າງສະຖາປັດຕະຍະກຳສີຂຽວມຸ້ງເນັ້ນການຫຼຸດໃຊ້ພະລັງງານນ້ຳ, ວັດສະດຸຢ່າງໜ້ອຍ 20% ເມື່ອທຽບກັບຕຶກທົ່ວໄປ ແລະ ໂຮງແຮມຢູ່ທະເລສາບອິນເລຈະເນັ້ນການກໍ່ສ້າງໃຫ້ສອດຄ່ອງກັບການອະນຸຮັກທະເລສາບ.
ທັງນີ້ໄອເອຟຊີຮ່ວມກັບທະນາຄານໂລກຈະໃຫ້ການສະໜັບສະໜູນການປະຕິຮູບ ແລະ ການລົງທຶນຢູ່ມຽນມາ ເພື່ອສ້າງຄວາມເຂັ້ມແຂງຂອງຂະແໜງເອກະຊົນ ແລະ ສ້າງວຽກເຮັດງານທຳເພື່ອຫຼຸດຜ່ອນຄວາມທຸກຍາກ ຊຶ່ງພາ ລະກິດຂອງໄອເອຟຊີ ຈະມຸ້ງເນັ້ນໃນການປັບໂຄງສ້າງພື້ນຖານ, ການສ້າງວຽກເຮັດ ແລະ ການເຂົ້າເຖິງເງິນທຶນໃນຂະແໜງກະສິກຳ ແລະ ການທ່ອງທ່ຽວ ໂດຍປະຈຸບັນໄອເອຟຊີຖືເປັນຜູ້ລົງທຶນລາຍໃຫຍ່ທີ່ສຸດຂອງຂະແໜງເອກະຊົນໃນມຽນມາໂດຍເງິນລົງທຶນສະສົມຢູ່ທີ່ 386 ລ້ານໂດລາໃນເດືອນກັນຍາປີນີ້(ຕາມຂ່າວຕ່າງປະເທດ).
ຂ່າວຈາກ: ເສດຖະກິດ-ສັງຄົມ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!