ອີງຕາມຂໍ້ຕົກລົງຂອງທ່ານລັດຖະມົນຕີກະຊວງການເງິນ, ອີງຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ແລະອີງຕາມການເຫັນດີເປັນເອກະພາບກັນຂອງຄະນະອຳນວຍການ ບໍລິສັດລັດວິສາຫະກິດຫວຍພັດທະນາ…
ບໍລິສັດລັດວິສາຫະກິດຫວຍພັດທະນາຈຶ່ງແຈ້ງວ່າ ນັບຕັ້ງແຕ່ວັນທີ 1 ພະຈິກ 2016 ເປັນຕົ້ນໄປ ບໍລິສັດລັດວິສາຫະກິດຫວຍພັດທະນາຈະໄດ້ອອກເລກລາງວັນ 2 ຄັ້ງຕໍ່ອາທິດທໍ່ນັ້ນ ໂດຍກຳນົດເອົາທຸກວັນຈັນແລະວັນພະຫັດເປັນມື້ອອກເລກລາງວັນຫວຍພັດທະນາ (ກໍລະນີວັນອອກເລກຫາກຖືກວັນພັກລັດຖະການແມ່ນໃຫ້ເລື່ອນໄປອອກໃນມື້ລັດຖະການຕໍ່ໄປ) ແລະຢຸດເຊົາການພິມຈຳໜ່າຍແລະອອກຫວຍລະດົມທຶນຂອງທຸກວັນພຸດ.
ກ່ອນໜ້ານີ້ ໄດ້ມີຫາງສຽງຈາກສັງຄົມຈົ່ມວ່າ ເລື່ອງການອອກເລກລາງວັນຫວຍພັດທະນາຖີ່ເກີນໄປ ຄ້າຍຄືເປັນການເບື່ອເມົາສັງຄົມ ເຮັດໃຫ້ປະຊາຊົນມົວເມົາຢູ່ກັບການສ່ຽງໂຊກສ່ຽງຄວາມຝັນ ເຫັນໂຕສັດຜ່ານໜ້າ ຫຼືຝັນເຫັນຫຍັງ ກໍຕ້ອງຕີເປັນເລກທັງນັ້ນ. ລວມທັງການອອກເລກທີ່ບໍ່ມີການຖ່າຍທອດສົດທາງໂທລະພາບ ເຊິ່ງເຮັດໃຫ້ລູກຄ້າຕັ້ງຂໍ້ສົງໄສວ່າອາດຈະບໍ່ມີຄວາມໂປ່ງໃສໃນການອອກເລກຫວຍລາງວັນໃນແຕ່ລະຄັ້ງ.
