ໃນປັດຈຸບັນນີ້ມີຜູ້ຊາຍຈຳນວນຫຼາຍທີ່ພົບກັບບັນຫາມີລູກຍາກ ເຊິ່ງທ່ານຮູ້ບໍ່ວ່າພຶດຕິກຳບາງຢ່າງທີ່ທ່ານເຮັດໃຫ້ຊີວິດປະຈຳວັນມັນສົ່ງຜົນກະທົບຕໍ່ສະເປີມໂດຍທີ່ທ່ານບໍ່ຮູ້ຕົວ ໃນຄໍລຳ ສຸຂະພາບ ວັນນີ້ເຮົາຈະເຮົາມານຳສະເໜີສິ່ງທີ່ຜູ້ຊາຍຄວນເຮັດ ເພື່ອຊ່ວຍໃຫ້ສະເປີມແຂງແຮງ ແຕ່ຈະມີວິທີໃດແນ່ນັ້ນເຮົາມາຮູ້ຈັກນຳກັນເລີຍ
- ກິນໝາກເລັ່ນຫຼາຍໆ ນັກວິໄຈຊາວອາເມລິກາແນະນຳວ່າ ຜູ້ຊາຍຄວນກິນໝາກລັ່ນສົດໆເປັນປະຈຳ ເພາະໝາກເລັ່ນອຸດົມໄປດ້ວຍສານຕ້ານອະນຸມູນອິດສະຫຼະທີ່ທຮຽກວ່າ ໄລໂຄປິນ ເຊິ່ງຊ່ວຍໃຫ້ສະເປີມສົມບູນ ແລະ ເພີ່ມໂອກາດໃນການມີລູກຫຼາຍຂຶ້ນອີກດ້ວຍ
- ໝັ່ນອອກກຳລັງກາຍ ຜູ້ຊາຍທີ່ອອກກຳລັງກາຍເປັນປະຈຳຈະຊ່ວຍໃຫ້ສະເປີມແຂງແຮງ ແລະ ມີຈຳນວນຕົວສະເປີມເພີ່ມຂຶ້ນກວ່າຜູ້ຊາຍທີ່ບໍ່ມັກອອກກຳລັງກາຍເຖິງ 33% ເມື່ອຮູ້ແບບນີ້ແລ້ວຫັນມາອອກກຳລັງກາຍເປັນປະຈຳເດີ້
- ເລີກເອົາມືຖືຍັດໃສ່ຖົງໂສ້ງ ເພາະຄື້ນແມ່ເລັກໄຟຟ້າທີ່ຢູ່ໃນຕົວເຄື່ອງມືຖື ຈະເຮັດໃຫ້ອະສຸຈິອ່ອນແອ ແລະ ເຄື່ອນຕົວໄດ້ຊ້າ ຈິ່ງເຮັດໃຫ້ຕາຍໄວກວ່າຈະໄປປະສົມກັບໄຂ່ນັ້ນເອງ ນີ້ຈິ່ງເປັນອີກໜຶ່ງສາເຫດທີ່ເຮັດໃຫ້ມີລູກຍາກ
- ຫຼີກລ່ຽງການໃຊ້ສານລໍ່ລື້ນໃນເວລາມີເພດສຳພັນ ເພາະສານລໍ່ລື່ນແມ່ນຢູ່ວ່າຈະຊ່ວຍໃຫ້ການມີເຊັກສ໌ຂອງທ່ານຮູ້ສຶກສະບາຍເມົາມັນ ແຕ່ຜົນເສຍຂອງມັນແມ່ນສານລໍ່ລື້ນສາມາດຂ້າສະເປີມໄດ້ເຖິງ 70% ໃນເວລາພຽງ 30 ນາທີ
- ເວລາຫຼິ້ນໂນ໊ດບຸກຢ່າເອົາມາວາງໄວ້ທີ່ຕັກເປັນເວລາດົນໆ ເພາະຄວາມຮ້ອນຈາກໂນ໊ດບຸກ ຈະຂ້າເຊື້ອອະສຸຈິໃຫ້ຕາຍໄດ້
- ຫຼຸດຜ່ອນເຄື່ອງດື່ມທີ່ມີຄາເຟອິນ ແລະ ແອລກໍຮໍ ເພາະສານຈຳພວກນີ້ຈະໄປຂັດຂວາງການຜະລິດສະເປີມ ສະນັ້ນຄົນທີ່ມັກດື່ມກາເຟ, ຊາ, ເຄື່ອງດື່ມຊູກຳລັງ ແລະ ປະເພດແອລກໍຮໍເປັນປະຈຳ ຈະເຮັດໃຫ້ມີລູກຍາກກວ່າຄົນທີ່ບໍ່ຄ່ອຍດື່ມເປັນປະຈຳນັ້ນເອງ
ຂໍ້ມູນຈາກ: http://men.kapook.com/view159519.html
ຕິດຕາມນານາສາລະ ກົດໄລຄ໌ເລີຍ!