ເມື່ອອາທິດທີ່ຜ່ານມາພວກເຮົາໄດ້ເຮັດຜົນການສຳຫຼວດຄວາມຄິດຂອງບັນກາຊາຍໜຸ່ມທັງຫຼາຍ ວ່າພວກເຂົາມັກເຫັນແມ່ຍິງແຕ່ງຕົວສະໄຕລໃດຫຼາຍທີ່ສຸດ ໂດຍກະທູ້ທີ່ຕັ້ງຂຶ້ນມາໃຫ້ເລືອກຈະມີແບບສະໄຕລການແຕ່ງຕົວຂອງຜູ້ທັງໝົດ 4 ແບບຄື: ແບບທີ 1 ແຕ່ງຕົວເຊັກຊີ້, ແບບທີ 2 ແຕ່ງຕົວແບບຫວານໆ ແບ້ວໆ, ແບບທີ 3 ແຕ່ງຕົວ ຮຽບຮ້ອຍ ເບິ່ງງາມ ເບິ່ງແພງ ແລະ ແບບທີ 4 ແຕ່ງຕົວແບບ ເທ້ໆ ກໍ່ມີຫຼາຍຄົນທີ່ໃຫ້ຄວາມສົນໃຈເຂົ້າມາສະແດງຄວາມຄິດເຫັນໃນກະທູ້ທີ່ເຮົາຕັ້ງຂຶ້ນນັ້ນ ບໍ່ວ່າຈະເປັນເພດຍິງ ຫຼື ເພດຊາຍ ເຊິ່ງຜົນຂອງການສຳຫຼວດຄັ້ງນີ້ອອກມາວ່າ:
ແບບສະໄຕລການແຕ່ງຕົວຂອງສາວໆທີ່ຊາຍໜຸ່ມມັກຫຼາຍທີ່ສຸດເປັນອັນດັບ 1 ໄດ້ແກ່ ການແຕ່ງຕົວສະໄຕລຮຽບຮ້ອຍ ເບິ່ງງາມ ເບິ່ງແພງ, ອັນດັບ 2 ໄດ້ແກ່ ແມ່ຍິງທີ່ແຕ່ງຕົວເຊັກຊີ, ອັນດັບ 3 ຕົກເປັນຂອງແມ່ຍິງທີ່ແຕ່ງຕົວອອກແບບແນວໆ ແທ້ໆ ສ່ວນການແຕ່ງຕົວແບບຫວານໆ ແບ໊ວໆ ແມ່ນບໍ່ໄດ້ຮັບຄວາມສົນໃຈ ອາດເປັນເພາະແຟຊັ່ນໃນຍຸກນີ້ໝົດຄວາມນິຍົມໃນການແຕ່ງຕົວແບບຫວານໆ ແບ້ວໆ ເໝືອນຕຸກກະຕາໄປແລ້ວກໍ່ອາດເປັນໄປໄດ້
ຈາກຜົນການສຳຫຼວດນີ້ສະແດງໃຫ້ເຫັນວ່າ ແຟຊັ່ນໃນຍຸກປະຈຸບັນນີ້ ການແຕ່ງຕົວທີ່ລຽບງ່າຍ ແຕ່ງເນັ້ນຄວາມສະບາຍຕາ ສະຫງ່າງາມ ເບິ່ງງາມມີລະດັບ ແມ່ນມາແຮງທີ່ສຸດ ຫາກສາວໆຄົນໃດຮູ້ແບບນີ້ແລ້ວ ກໍ່ຄວນລອງປັບລຸກໃນການແຕ່ງຕົວໃໝ່ ເພື່ອໃຫ້ທັນຍຸກແຟຊັ່ນ ແລະ ເປັນທີ່ໜ້າສົນໃຈແກ່ຜູ້ຄົນທີ່ພົບເຫັນ ແຕ່ສິ່ງທີ່ດີທີ່ສຸດຕ້ອງແຕ່ງຕົວໃຫ້ເຂົ້າກັບຕົວເອງຫຼາຍທີ່ສຸດ ຄືຊຸດດທີ່ເອົາໃສ່ນັ້ນທັງສີ ແລະ ແບບເສື້ອຜ້າ ຕ້ອງເໝາະສົມກັບສີຜິວ, ຮູບຮ່າງແລະ ບຸກຄະລິກຂອງເຮົາໃຫ້ຫຼາຍທີ່ສຸດມັນຈິ່ງຈະອອກມາເບິ່ງງາມ ສ່ວນຕອນນີ້ເຮົາມາເບິ່ງແບບສະໄຕລການແຕ່ງຕົວທັງ 4 ແບບກັນເລີຍດີກວ່າ
ແບບສະໄຕລການແຕ່ງຕົວທີ່ໄດ້ຮັບຄວາມນິຍົມມາເປັນອັນດັບທີ 1 ໃນຍຸກປັດຈຸບັນ ແບບລຽບງ່າຍ ເບິ່ງງາມເພິ່ງແພງ
ແບບທີ 2 ແບບເຊັກຊີ້
ແບບທີ 3 ແບບແນວໆ ເທ້ໆ
ແບບທີ 4 ແບບຫວານໆ ແບ໊ວໆ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!