ສສ ຫວຽດນາມເລັ່ງແກ້ໄຂບັນຫາການລັກລອບຕັດໄມ້ ແບບຜິດກົດໝາຍຢ່າງຮີບດ່ວນ ຫຼັງຈາກ 9 ເດືອນຕົ້ນປີນີ້ ສາມາດກວດພື້ນທີ່ປ່າໄມ້ຖືກທຳລາຍແລ້ວເກືອບ 1 ພັນເຮັກຕາ ເພີ່ມຂຶ້ນ 10,3% ເມື່ອທຽບກັບໄລຍະດຽວກັນ.
ຕາມຂ່າວຕ່າງປະເທດລາຍງານວ່າ: ກະຊວງກະສິກຳ ແລະ ການພັດທະນາຊົນນະບົດຂອງຫວຽດນາມຖະແຫຼງໃນວັນທີ 24 ຕຸລາທີ່ຜ່ານມາວ່າ ໃນໄລຍະ 9 ເດືອນຕົ້ນປີນີ້ ມີການລັກລອບຕັດໄມ້ທັງໝົດ 1.594 ຄັ້ງເພີ່ມຂຶ້ນເກືອບ 28% ຈາກໄລຍະດຽວກັນຂອງປີກ່ອນ ແລະ ນັບຕັ້ງແຕ່ປີ 2010-2014 ການລັກລອບຕັດໄມ້ເຮັດໃຫ້ປະເທດສູນເສຍພື້ນທີ່ປ່າໄມ້ລວມກັນແລ້ວ1.281 ເຮັກຕາ, ຊຶ່ງທາງການຫວຽດນາມຕັ້ງເປົ້າຈະຫຼຸດການຕັດໄມ້ທຳລາຍປ່າລົງໃຫ້ໄດ້ 20%ໃນປີໜ້າ ແລະ ເພີ່ມພື້ນທີ່ປ່າຈາກ 40,84% ຂອງພື້ນທີ່ປະເທດໃນປີ 2015 ເປັນ 41,3%ໃນປີໜ້າ.
ທ່ານ ຫງວຽນ ຊວນ ຟຸກ ນາຍົກລັດຖະມົນຕີຫວຽດນາມມີຄຳສັ່ງໃນເດືອນມິຖຸນາທີ່ຜ່ານມາຫ້າມຖາງປ່າທຳມະຊາດຢ່າງເດັດຂາດເພື່ອປົກປ້ອງປ່າທີ່ເຫຼືອຢູ່ 2,3 ລ້ານເຮັກຕາ( 14 ລ້ານໄຣ່) ເພື່ອຫວັງສະກັດກັ້ນບໍ່ໃຫ້ບໍລິສັດຕ່າງໆອາໄສຊ່ອງວ່າງຂອງນະໂຍບາຍທີ່ອະນຸຍາດໃຫ້ຖາງປ່າຊຸດໂຊມເພື່ອນຳໄປໃຊ້ປູກຕົ້ນໄມ້ທາງດ້ານການຄ້າ.
ຂ່າວຈາກ: ເສດຖະກິດ-ສັງຄົມ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!