ໂດຍຕອບສະໜອງຕາມຄໍາເຊີນຂອງທ່ານ ຫງຽນ ຊວນຟຸກ ນາຍົກລັດຖະມົນຕີແຫ່ງ ສາທາລະນະລັດ ສັງຄົມນິຍົມຫວຽດນາມ ຄະນະຜູ້ແທນແຫ່ງສປປ ລາວ ນໍາໂດຍທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍພັນລະຍາ ແລະ ຄະນະ ຈະເດີນທາງເຂົ້າຮ່ວມກອງປະຊຸມສຸດຍອດຂອບການຮ່ວມມືກໍາປູເຈຍ-ລາວ-ຫວຽດນາມ ຫຼື ຊີແອວເອັມວີ CLMV ຄັ້ງທີ 8, ກອງປະຊຸມສຸດຍອດຂອບຍຸດທະສາການຮ່ວມມືດ້ານເສດຖະກິດແມ່ນ້ຳອີລາວະດີ-ແມ່ນໍ້າເຈົ້າພະຍາ-ແມ່ນ້ຳຂອງ ຫຼື ແອັກແມັກ ACMECS ຄັ້ງທີ 7 ແລະ ເວທີເສດຖະກິດໂລກ -ແມ່ນ້ຳຂອງໃນວັນທີ 24-26 ຕຸລາ 2016 ທີ່ຮ່າໂນຍ ສສ ຫວຽດນາມ.
ໂນໂອກາດກອງປະຊຸມສຸດຍອດຊີແອວເອັມວີ ຄັ້ງທີ 8 ແລະ ກອງປະຊຸມສຸດຍອດແອັກແມັກ ຄັ້ງທີ 7 ນີ້, ບັນດາຜູ້ນໍາຈະໄດ້ຮ່ວມກັນປຶກສາຫາລື ແລະ ແລກປ່ຽນທັດສະນະກ່ຽວກັບການເສີມຂະຫຍາຍການພົວພັນຮ່ວມມືລະຫວ່າງປະເທດ ສະມາຊິກນໍາກັນ ໂດຍສະເພາະການຮ່ວມມືກັນ ເພື່ອການເຊື່ອມໂຍງ ແລະການເຊື່ອມຈອດພາກພື້ນລວມທັງການສ້າງຄວາມອາດສາມາດໃນການແຂ່ງຂັນ ແລະ ການພັດທະນາແບບຍືນຍົງ.
ຂ່າວຈາກ: ສຳນັກຂ່າວເອບີຊີ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!