spot_img
Homeຂ່າວພາຍ​ໃນສາວນ້ອຍ ເກົາຫຼີເໜືອ ຄວ້າແຊ້ມໂລກ ບານເຕະເຍົາວະຊົນຍິງ U17

ສາວນ້ອຍ ເກົາຫຼີເໜືອ ຄວ້າແຊ້ມໂລກ ບານເຕະເຍົາວະຊົນຍິງ U17

Published on

ການແຂ່ງຂັນ ບານເຕະເຍົາວະຊົນຍິງ ຊີງແຊ້ມໂລກລຸ້ນອາຍຸບໍ່ເກີນ 17 ປີ(The FIFA U-17 Women’s World Cup Jordan 2016) ທີ່ປະເທດ ຈໍແດນໄດ້ປິດລົງຢ່າງສວຍງາມ. ໂດຍນັດຊີງຊະນະເລີດ ໄດ້ມີຂຶ້ນໃນຄຳຄືນ ວານນີ້ເວລາ 24:00(ຕາມເວລາໃນບ້ານເຮົາ) ເປັນການພົບກັນ ລະຫວ່າງ 2 ທີມຈາກທະວີບອາຊີ ຄື: ທີມຊາດ ຍິປຸ່ນ ພົບ ກັບ ທີມຊາດເກົາຫຼີເໜືອ. ກ່ອນເກມໃນນັດນີ້ ຍິປຸ່ນຈະເໜືອກວ່າ ພໍສົມຄວນເມື່ອປຽບທຽບລະບົບການຫຼິ້ນແລະ ເຕັກນິກສະເພາະຕົວຂອງນັກເຕະ, ພໍແຕ່ສຽງໝາກຫວີດ ເລີ່ມກັນແຂ່ງຂັນ ດັງຂຶ້ນ ທັງສອງທີມກໍ່ເປີດເກມບຸກ ເຂົ້າໃສ່ກັນແບບສຸດມັນ ແລະ ເປັນຝ່າຍ ຍິປຸ່ນ ທີ່ຄອງບານ ແລະ ມີເກມບຸກທີ່ເໜືອກວ່າ ເລັກນ້ອຍ ແຕ່ທຸກຄັ້ງທີ່ ເກົາຫຼີ ເໜືອໂຕ້ກັບກໍ່ເຮັດໄດ້ດີ ຄືກັນຈົນເກືອບຈະປັນປະຕູຫຼາຍຄັ້ງ ຈົນຜົນສຸດທ້າຍ ຈົບ 90 ນາທີ ບໍ່ມີໃຜສາມາດຍິງປະຕູໄດ້ ເຮັດໃຫ້ ສະເໝີກັນແບບບໍ່ມີປະຕູ ຕ້ອງຕັດສິນຫາແຊ້ມດ້ວຍ ການຍິງລູກໂທດທີ່ຈຸດໂທດ ຜົນປະກົດວ່າ ສາວນ້ອຍໂສດ ຍິງຄົມກວ່າ ເຮັດໃຫ້ຄວ້າແຊ້ມ The FIFA U-17 Women’s World Cup Jordan 2016 ຄັ້ງທີ 8 ແລະ ກາຍເປັນແຊ້ມຄັ້ງທີ 2 ຂອງທີມຊາດເກົາຫຼີເໜືອ ແລະ ເປັນຊາດທຳອິດທີ່ສາມາດຄວ້າແຊ້ມໄດ້ 2 ສະໄໝ, ໂດຍກ່ອນໜ້ານີ້ 8 ປີພວກເຂົາເຄີຍໄດ້ແຊ້ມໃນລາຍການນີ້ ໃນຕອນທີ່ ປະເທດ ນິວຊີແລນເປັັນເຈົ້າພາບ.

ຂອບໃຈພາບແລະ ຂໍ້ມູນຈາກ FIFA.com

ຂ່າວຈາກ: 

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...