ເມື່ອວັນທີ 19 ຕຸລາ 2016 ທີ່ຜ່ານມາ ເວັບໄຊ ອ໊ອດດິຕີ້ເຊນທຣັລ ລາຍງານເລື່ອງລາວຊວນອື້ງຂອງ ພໍ່ເຖົ້າຊື່ ໂມຮັມເໝັດ ເບລໂລ ອາບູບາຄາຣ ຊາຍຊາວໄນຈີເຣຍ ໄວອາຍຸ 92 ປີ ຜູ້ເຄີຍແຕ່ງງານມາແລ້ວເຖິງ 107 ເທື່ອ ແລະ ມີລູກຫຼາຍເຖິງ 185 ຄົນ ເຊິ່ງປັດຈຸບັນເຫຼືອເມຍທີ່ຍັງຢູ່ນຳກັັນ 97 ຄົນ ເພາະເຄີຍຜ່ານການຫຍ່າຮ້າງມາແລ້ວ 10 ເທື່ອ ໂດຍລາວໄດ້ອ້າງເຫດຜົນທີ່ລາວມີເມຍຫຼາຍຂະໜາດນີ້ວ່າເປັນຍ້ອນຈຸດປະສົງຂອງພຣະເຈົ້າ ແລະ ພໍ່ເຖົ້າ ເບລໂລ ອາບູບາຄາຣ ຍັງຫວັງຫາເມຍເພີ່ມຂຶ້ນເລື່ອຍໆ ໃຫ້ຫຼາຍທີ່ສຸດເທົ່າຈະຫຼາຍໄດ້ ພ້ອມຍັງບອກອີກວ່າຜູ້ຊາຍຈະມີເມຍຈັກຄົນກໍ່ໄດ້ ຖ້າມີຄວາມສາມາດລ້ຽງດູບັນດາເມຍຂອງຕົນເອງໄດ້ຢ່າງບໍ່ໃຫ້ເດືອດຮ້ອນ
ເຖິງຢ່າງໃດກໍ່ຕາມ ການທີ່ພໍ່ເຖົ້າເບລໂລມີເມຍຫຼາຍຄົນນັ້ນໄດ້ມີສຽງວິພາກວິຈານຈາກສັງຄົມເປັນສ່ວນຫຼາຍໃນຄວາມບໍ່ເໝາະສົມກ່ຽວກັບເລື່ອງນີ້ ແລະ ຍັງມີສຽງວິພາກວິຈານກ່ຽວກັບຕົວຂອງພໍ່ເຖົ້າເບລໂລເລື່ອງລາຍຮັບ ເພາະພໍ່ເຖົ້າເບລໂລບໍ່ໄດ້ປະກອບອາຊີບເປັນຫຼັກແຫລ່ງ ແລະ ຍັງບໍ່ອະນຸຍາດໃຫ້ເມຍທັງ 97 ຄົນ ເຮັດວຽກຫາເງິນອີກດ້ວຍ ມີຫຼາຍຄົນສົງໃສ ແມ່ນແຕ່ເພື່ອນບ້ານຂອງລາວເອງກໍ່ສົງໃສວ່າລາວເອົາເງິນຈາກທາງໃດມາໃຊ້ຈ່າຍໃນຊີວິດປະຈຳວັນ
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!