ເຖິງປີນີ້ບັນຍາກາດຈະບໍ່ຄຶກຄື້ນຄືທຸກປີ ແຕ່ກໍ່ຍັງມີປະຊາຊົນຈຳນວນບໍ່ໜ້ອຍເດີນທາງມາເບິ່ງປະກົດການບັ້ງໄຟພະຍານາກ ໃນຄືນມື້ອອກພັນສາ ຂຶ້ນ 15 ຄ່ຳ ເດືອນ 11 ຫຼື ເມື່ອວັນທີ 16 ຕຸລາ 2016 ທີ່ຜ່ານມາ ທີ່ແຄມຝັ່ງແມ່ນ້ຳຂອງ ຈັງຫວັດໜອງຄາຍ ແລະ ຈັງຫວັດ ບຶງການ ເປັນປະຈຳໃນແຕ່ລະປີ ກໍ່ຈະມີທີມງານພິສູດປະກົດການບັ້ງໄຟພະຍານາກ ໄປເຝົ້າບັນທຶກພາບເພື່ອພິສູດປະກົດການແບບນີ້ປີລະເທື່ອ
ຜູ້ສື່ຂ່າວລາຍງານວ່າ ທີມງານຈາກແຟນເພສ ພິສູດບັ້ງໄຟພະຍານາກ ລົງພື້ນທີ່ ບ້ານ ນ້ຳເປ ອຳເພີ ຣັດຕະນາວາປີີ ຈັງຫວັດໜອງຄາຍ ໂດຍກຽມກ້ອງຖ່າຍທຳໄວ້ 4 ກ້ອງ ໃຊ້ເຕັກນິກການຖ່າຍພາບແບບ Low Speed Shutter ຫຼື ການເປີດໜ້າກ້ອງດົນໆ ພາບລະ 10 ວິນາທີ ຕໍ່ເນື່ອງຕະຫຼອດປະກົດການ ຫາກມີດວງໄຟຂຶ້ນທາງໃດ ຈະປະກົດເປັນລຳແສງຂຶ້ນອອກມາຈາກໜ້ານ້ຳຕາມທີ່ປະກົດໃນພາບດັ່ງຕໍ່ໄປນີ້ ເຊິ່ງເລີ່ມແຕ່ເວລາ 18:30 ໂມງ ກໍ່ເລີ່ມມີບັ້ງໄຟດວງທຳອິດຂຶ້ນຈາກໜ້ານ້ຳ ເຮັດໃຫ້ຜູ້ໄປລໍຖ້າຊົມ ຕື່ນຕາຕື່ນໃຈ ປີນີ້ບັ້ງໄຟພະຍານາກຂຶ້ນບໍ່ຮອດ 10 ລູກ ຈາກທີ່ຜ່ານມາເຄີຍຂຶ້ນເປັນຮ້ອຍໆດວງ ຂຶ້ນທີ່ໜອງຄາຍ 5 ດວງ ແລະ ຝັ່ງບ້ານທ່າມ່ວງ ເມືອງ ຫາດຊາຍຟອງ ຝັ່ງລາວ ພຽງ 3 ດວງ ເທົ່ານັ້ນ
ຂ່າວຈາກ: https://www.khaosod.co.th/monitor-news/news_63765
ຕິດຕາມຂ່າວເສດຖະກິດລາວ ກົດໄລຄ໌ເລີຍ!