ຂປລ. ພະແນກຮງານ ແລະ ສະຫວັດດີການສັງຄົມ ແຂວງສາລະວັນ ໄດ້ຈັດພິທີສະເຫລີມສະຫລອງ ວັນຄົນພິການແຫ່ງຊາດ 27 ກັນຍາ ແລະ ວັນສາກົນຜູ້ອາຍຸສູງທີ 1 ຕຸລາ ຂຶ້ນໃນວັນທີ 20 ຕຸລາ 2016 ນີ້ ໂດຍໃຫ້ກຽດເປັນປະທານຂອງທ່ານ ບຸນທຽມ ແກ້ວໃຊຍະວົງ ຫົວໜ້າຄະນະຈັດຕັ້ງແຂວງສາລະວັນ, ມີຕົວແທນຈາກພາກສ່ວນຕ່າງໆ ແລະ ຈາກ 8 ບ້ານເທສະບານແຂວງເຂົ້າ.
ທ່ານ ບຸນທຽມ ແກ້ວໄຊຍະວົງ ກ່າວ່າ: ການສະເຫລີມສະຫລອງ ວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ ແມ່ນຈັດຂຶ້ນທຸກໆປີ ຕາມທີໄດ້ກຳນົດໄວ້ ໃນດຳລັດຂອງນາຍົກລັດຖະມົນຕີ ສະບັບເລກທີ 137/ນຍລົງວັນທີ 18 ເມສາປີ 2014 ໂດຍຍົກໃຫ້ເຫັນວ່າ: ຢູ່ໃນໂລກປັດຈຸບັນ ຍັງມີຜູ້ພິການຫລາຍກວ່າ 1 ຕື້ຄົນ ຫລື ປະມານ 15% ຂອງປະຊາກອນໂລກ ທີ່ດຳລົງຊີວິດຢູ່ຮ່ວມກັນ ເຊິ່ງພວກເຂົາໄດ້ປະເຊີນກັບ ບັນຫາສິ່ງກີດຂວາງຕ່າງໆທາງສັງຄົມ ເຊັ່ນ: ການເຂົ້າເຖິງວຽກງານການສຶກສາ, ການປິ່ນປົວຟື້ນຟູສຸ ຂະພາບ, ການຝຶກວິຊາຊີບຫາວຽກເຮັດງານທຳ ແລະ ການເຊື່ອມໂຍງເຂົ້າ ໃນຂະບວນການຕ່າງໆ ຍັງບໍ່ທັນດີເທົ່າທີ່ຄວນ.
ເພື່ອເຮັດໃຫ້ຊີວິດ ການເປັນຢູ່ຂອງຄົນພິການ ແລະ ຜູ້ອາຍຸສູງ ໄດ້ຮັບການປັບປຸງດີຂຶ້ນເທື່ອລະກ່າວ, ທັງສາມາດຊ່ວຍເຫລືອຕົນເອງໄດ້, ມີສ່ວນຮ່ວມໃນການພັດທະນາຄອບຄົວ ແລະ ສັງຄົມ, ລັດຖະ ບານ ຈຶ່ງໄດ້ອະນຸມັດສ້າງຕັ້ງສະມາຄົມຄົນພິການ ແລະ ສະມາຄົມຜູ້ອາຍຸສູງຂຶ້ນ ໃນລະດັບສູນກາງ ແລະ ທ້ອງຖິ່ນ ນັບທັງບ່ອນທີ່ມີເງື່ອນໄຂ ເພື່ອເປັນຕົວແທນ ໃນການປົກປ້ອງສິດຜົນປະໂຫຍດ ຂອງຄົນພິການ ແລະ ຜູ້ອາຍຸສູງ.
ໃນໂອກາດດຽວກັນ, ກໍໄດ້ມີການກວດພະຍາດ, ສັກຢາ ແລະ ວາງຢາປິ່ນປົວສຸຂະພາບຂອງຄົນພິ ການ ແລະ ຜູ້ມີອາຍຸສູງອີກດ້ວຍ.
ຂ່າວຈາກ: ສຳນັກຂ່າວສານປະເທດລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!