spot_img
Homeຂ່າວການພັດທະນາລາວເວີນສົ່ງເສີມການໃຊ້ລົດເມໄຟຟ້າສາທາລະນະ

ລາວເວີນສົ່ງເສີມການໃຊ້ລົດເມໄຟຟ້າສາທາລະນະ

Published on

ບໍລິສັດ ລາວເວີນ ມະຫາຊົນ, ໄດ້ຕົກລົງສະໜອງລົດເມໄຟຟ້າຂະໜາດ 24 ບ່ອນນັ່ງຈໍານວນ 10 ຄັນໃຫ້ແກ່ລັດວິສາຫະກິດລົດເມນະຄອນຫລວງວຽງຈັນ ເພື່ອທົດລອງ ແລ່ນໃຫ້ບໍລິການໂດຍສານສາທາລະນະຢູ່ຕົວເມືອງໃນທ້າຍເດືອນຕຸລານີ້, ຊຶ່ງເບື້ອງຕົ້ນຈະໃຫ້ບໍລິການໂດຍສານໃນເສັ້ນທາງຈາກສູນການຄ້າລາວ-ໄອເຕັກຜ່ານທາດຫລວງ-ປະຕູໄຊ-ສະຖານີລົດເມແລ້ວລ້ຽວໄປຕາມເສັ້ນທາງແຄມຂອງແລ້ວລ້ຽວໄປທາງວິທະຍາໄລເຕັກນິກປາກປ່າສັກ ແລະ ແລ່ນໄປຕາມຖະໜົນເສດຖາທິລາດຜ່ານສະຖານີລົດເມແລ້ວກັບຄືນເສັ້ນທາງເກົ່າໃນລາຄາ 5 ພັນກີບຕໍ່ຖ້ຽວຕໍ່ຄົນ.

ການນໍາເອົາລົດປະເພດດັ່ງກ່າວມາບໍລິການໂດຍສານສາທາລະນະນີ້ແນໃສ່ສົ່ງເສີມການບໍລິການຂົນສົ່ງສາທາລະນະທີ່ນັບມື້ເພີ່ມຂຶ້ນ, ຫລຸດຜ່ອນຄວາມແອອັດຈາກການນໍາໃຊ້ລົດສ່ວນຕົວ, ປະຢັດລາຍຈ່າຍຄ່ານໍ້າມັນ, ຫລຸດຜ່ອນບັນຫາມົນລະພິດ ແລະ ສ້າງສິ່ງເປັນມິດກັບສະພາບແວດລ້ອມ. ທັງເປັນການສ້າງທາງເລືອກໃໝ່ທີ່ສະດວກສະບາຍໃຫ້ແກ່ມວນຊົນໃນການເດີນທາງໄປມາໃນຕົວເມືອງຫລວງ.

ການລົງນາມຮ່ວມມືໂຄງການດັ່ງກ່າວໄດ້ມີຂຶ້ນໃນວັນທີ 19 ຕຸລານີ້ທີ່ນະຄອນຫລວງວຽງຈັນລະຫວ່າງທ່ານຄໍາພູນ ເຕເມລາດ ຜູ້ອໍານວຍການລັດວິສາຫະກິດລົດເມນະຄອນຫລວງ ແລະ ທ່ານ ວິສັນ ນະລົງສັກ ຮອງປະທານບໍລິສັດລາວເວີນມະຫາຊົນ. ໂດຍມີທ່ານ ເດດສົງຄາມ ທໍາມະວົງ ຫົວໜ້າພະແນກໂຍທາທິການ ແລະ ຂົນສົ່ງນະຄອນຫລວງເຂົ້າຮ່ວມນໍາດ້ວຍ.

ຂ່າວຈາກ: ໜັງສືພິມ ລາວພັດທະນາ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...