ສຳນັກຂ່າວຕ່າງປະເທດ ລາຍງານໃນວັນທີ 19 ຕຸລາຜ່ານມານີ້ວ່າ ເຈົ້າຊາຍຕຸຣະກີ ບິນ ສະອູດ ອັນ-ຄໍບີ ຊຶ່ງເປັນສະມາຊິກໃນຣາຊະວົງອາຣັບບີ ຊາອຸດິດ ໄດ້ຖືກປະຫານຊີວິດ ຈາກຄວາມຜິດໂທດການຍິງຄົນຕາຍ ເນື່ອງຈາກເຫດຜິດຖຽງກັນ ທີ່ນະຄອນຫລວງຣິຢາດ ເມື່ອປີ 2013 ທີ່ຜ່ານມາ ໂດຍທາງການບໍ່ໄດ້ເປີດເຜີຍເຖິງການປະຫານ ວ່ານຳໃຊ້ວິທີການໃດ, ແນວໃດກໍຕາມ ອີງໃສ່ກົດໝາຍອາຍາຂອງ ອາຣັບບີ ຊາອຸດິດ ນັກໂທດທີ່ກະທຳຄວາມຜິດຮ້າຍແຮງ ຈະຖືກປະຫານຊີວິດດ້ວຍການຕັດຄໍ.
ກະຊວງພາຍໃນອາຣັບບີ ຊາອຸດິດ ໄດ້ອອກມາຖະແຫລງວ່າ ເຈົ້າຊາຍຕຸຣະກີ ຊົງຮັບສາລະພາບຄວາມຜິດ ຖານຂ້າເພື່ອນຮ່ວມຊາດແທ້ຈິງ ແລະ ລັດຖະບານກໍຢືນຢັນວ່າ ຈະຮັກສາຄວາມໝັ້ນຄົງປອດໄພຂອງຊາດ ແລະ ຮັກສາໄວ້ຊຶ່ງຄວາມຍຸຕິທຳ.
ຕິດຕາມເຮົາທາງFacebook ກົດຖືກໃຈເລີຍ!