ສຳນັກຂ່າວຕ່າງປະເທດ ລາຍງານໃນວັນທີ 19 ຕຸລານີ້ວ່າ ຍອດຜູ້ເສຍຊີວິດຈາກເຫດ ເຮືອໂດຍສານຂ້າມຟາກຫລົ້ມ ກາງແມ່ນ້ຳຊິນວິນ ໃນເຂດສະກາຍຂອງມຽນມາ ເມື່ອຕອນເຊົ້າຂອງມື້ວັນເສົາທີ 15 ຕຸລາທີ່ຜ່ານມາ ເພີ່ມຂຶ້ນເຖິງ 48 ຄົນແລ້ວ ໃນຂະນະທີ່ຍັງຄົງມີຜູ້ສູນຫາຍອີກຢ່າງໜ້ອຍ 23 ຄົນ ໂດຍເຈົ້າໜ້າທີ່ໜ່ວຍງານບັນເທົາທຸກ ແລະ ການຍ້າຍຖິ່ນມຽນມາ ໄດ້ລະບຸວ່າ ກວ່າ 2/3 ຂອງຈຳນວນຜູ້ເສຍຊີວິດທັງໝົດ ເປັນຜູ້ຍິງ.

ທັງນີ້ ເຮືອໂດຍສານຂ້າມຟາກດັ່ງກ່າວ ໄດ້ບັນທຸກຜູ້ໂດຍສານເກີນນ້ຳໜັກ ຊຶ່ງເຕັມໄປດ້ວຍຄູອາຈານ ແລະ ນັກສຶກສາ ໂດຍພາຍຫລັງເກີດເຫດ ໜ່ວຍກູ້ໄພມຽນມາ ສາມາດຊ່ວຍເຫລືອຜູ້ລອດຊີວິດໄດ້ ປະມານ 150 ຄົນ, ແຕ່ເຈົ້າໜ້າທີ່ເຊື່ອວ່າ ເຮືອໂດຍສານລຳດັ່ງກ່າວນີ້ ມີຜູ້ໂດຍສານຂຶ້ນມານຳ ຫລາຍເຖິງ 250 ຄົນ ເພື່ອຕ້ອງການເດີນທາງຂ້າມໄປເມືອງໂມນຢະວາ.

ຕິດຕາມເຮົາທາງFacebook ກົດຖືກໃຈເລີຍ!