ການຄຳນວນວັນຄົບກຳເນີດເກີດລູກຫຼັກໆແລ້ວ ມີ 2 ວິທີຄື: ຄຳນວນຈາກວັນທຳອິດຂອງປະຈຳເດືອນມາຄັ້ງສຸດທ້າຍ ແລະ ຄຳນວນຈາກວັນທີ່ປະຕິສົນທິ ໂດຍວັນກຳນົດເກີດເປັນພຽງວັນໃກ້ຄຽງມື້ເກີດເທົ່ານັ້ນ ເພາະວັນທີ່ເກີດລູກແທ້ໆ ອາດເກີດໄວກ່ອນ ຫຼື ຊ້າກ່ອນວັນຄຳນວນບວກ ຫຼື ລົບໄດ້ອີກ 2 ອາທິດ

ວິທີການຄຳນວນວັນເກີດຈາກວັນທຳອິດທີ່ມີປະຈຳເດືອນມາຄັ້ງສຸດທ້າຍ

ວັນທີ = ວັນທຳອິດທີ່ມີປະຈຳເດືອນມາຄັ້ງສຸດທ້າຍ + 7

ເດືອນ = ເດືອນທີ່ມີປະຈຳເດືອນມາຄັ້ງສຸດທ້າຍ – 3

ຍົກຕົວຢ່າງ: ວັນທຳອິດທີ່ມີປະຈຳເດືອນມາຄັ້ງສຸດທ້າຍ 1 ມັງກອນ 2016

ວັນທີ  = 1+7 = 8

ເດືອນ = 1-3 = 10 (ເດືອນມັງກອນແລ້ວນັບຖອຍຫຼັງໄປ 3 ເດືອນ)

ວັນກຳນົດຂອງລູກທ່ານຈະຢູ່ທີ່ປະມານວັນທີ 8 ຕຸລາ 2016

ວິທີຄຳນວນຈາກວັນປະຕິສົນທິ

ຖ້າທ່ານຈຳວັນປະຕິສົນທິໄດ້ ກໍ່ບວກເຂົ້າໄປ 266 ວັນ ນີ້ຄືສູດຄຳນວນວັນສະເລ່ຍແມ່ຍິງສ່ວນທີ່ຖືພາຈະຄຳນວນແບບນີ້

ວັນທີ = ວັນປະຕິສົນທິ – 7

ເດືອນ = ເດືອນປະຕິສົນທິ – 3

ຍົກຕົວຢ່າງ ຖ້າວັນປະຕິສົນທິ ຄືວັນທີ 1 ມັງກອນ

ວັນທີ = 1 – 7 = 24 (ນັບຖອຍຫຼັງຈາກວັນທີ 1 ໄປ 7 ວັນ)

ເດືອນ = 1 – 3 = 10 (ແຕ່ເນື່ອງຈາກການຄຳນວນວັນທີຂອງທ່ານເປັນການນັບຖອຍຫຼັງໄປເດືອນກ່ອນໜ້ານີ້ ສະນັ້ນເດືອນຂອງທ່ານຈະຕົກໄປທີ່ ວັນທີ 24 ເດືອນ 9)

ວັນກຳນົດເກີດຂອງລູກທ່ານຈະແມ່ນວັນທີ 24 ກັນຍາ

ເມື່ອຫາກທ່ານຮູ້ແລ້ວວາກຳລັງຖືພາ ທ່ານຄວນໄປຝາກທ້ອງທີ່ໂຮງໝໍເພື່ອກວດສຸຂະພາບຄວາມພ້ອມກັບແພດຜູ້ຊ່ຽວຊານ ແລະ ແພດຈະເປັນຄົນບອກວັນກຳນົດການເກີດລູກຂອງທ່ານໃຫ້ຮູ້ເອງ

ຂໍ້ມູນຈາກ: th.theasianparent.com
ຕິດຕາມນານາສາລະ ກົດໄລຄ໌ເລີຍ!