ໃຫ້ກຽມພ້ອມມ້ຽນມັດວັດຖຸສິ່ງຂອງ ແລະສັດລ້ຽງໄປໄວ້ບ່ອນທີ່ປອດໄພ. ຂໍໃຫ້ຕິດຕາມການລາຍງານຂ່າວພະຍາກອນອາກາດຈາກກົມແລະອຸທົກກະສາດ ເປັນປະຈຳ.
ກົມອຸຕຸນິຍົມ ແລະອຸທົກກະສາດ ເຕືອນໄພພາຍຸ ໂດຍລາຍລະອຽດດັ່ງນີ້: ຮ່ອງມໍລະສຸມທີ່ມີກຳລັງປານກາງຫາແຮງ ຍັງສືບຕໍ່ພາດຜ່ານຢູ່ທົ່ວທຸກພາກຂອງປະເທດລາວ, ປ່ອງເຂົ້າສູ່ພາຍຸ ຣາມາສູນ ຫົວທີ 9, ປັດຈຸບັນມີຈຸດທີ່ຕັ້ງຢູ່ເສັ້ນຂະໜານທີ 14.2 ອົງສາເໜືອ ແລະເສັ້ນແວງ 120.4 ອົງສາຕາເວັນອອກ, ເຄື່ອນທີ່ໄປທາງທິດຕາເວັນຕົກດ້ວຍຄວາມໄວ 30 ກິໂລແມັດຕໍ່ຊົ່ວໂມງ ແລະຄາດວ່າໃຕອນເຊົ້າຂອງວັນທີ 17/7/2014 ຈະເຄື່ອນທີ່ເຂົ້າໃກ້ກັບຝັ່ງທະເລປະເທດຫວຽດນາມ. ເຊິ່ງວົງລັດສະໝີຂອງພາຍຸຈະກວມເອົາບັນດາແຂວງພາກເໜືອ ຫາພາກກາງຂອງລາວ, ເຊິ່ງນັບແຕ່ວັນທີ 17 ຫາ 19/6/2014 ຈະມີຝົນຕົກໜັກ, ຟ້າຄະນອງ, ລົມແຮງຢູ່ບັນດາແຂວງ ສະຫວັນນະເຂດ, ຄຳມ່ວນ, ບໍລິຄຳໄຊ, ແຂວງວຽງຈັນ, ໄຊສົມບູນ, ຊຽງຂວາງ, ຫົວພັນ ແລະແຂວງຜົ້ງສາລີ, ນັບທັງນະຄອນຫຼວງວຽງຈັນພ້ອມ.
ດັ່ງນັ້ນ, ຈຶ່ງຂໍແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະພໍ່ແມ່ປະຊາຊົນທີ່ອາໄສຢູ່ໃນບັນດາເຂດແຂວງດັ່ງກ່າວ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ, ລົມແຮງຈະເຮັດໃຫ້ລະດັບນ້ຳສາຂາສູງຂຶ້ນພ້ອມມີດິນເຈື່ອນ. ຈຶ່ງຮຽກຮ້ອງໃຫ້ກຽມພ້ອມມ້ຽນມັດວັດຖຸສິ່ງຂອງ ແລະສັດລ້ຽງໄປໄວ້ບ່ອນທີ່ປອດໄພ. ຂໍໃຫ້ຕິດຕາມການລາຍງານຂ່າວພະຍາກອນອາກາດຈາກກົມແລະອຸທົກກະສາດ ເປັນປະຈຳ.
ສີທັນ ສຸດທິສັກ ຫົວໜ້າກົມອຸຕຸນິຍົມແລະອຸທົກກະສາດ
