ບັນກາດບຸນຊ່ວງເຮືອອອກພັນສາ ທີ່ໜ້າວັດຈັນ, ນະຄອນຫຼວງວຽງຈັນປີນີ້ ງຽບເຫງົາກວ່າປີທີ່ຜ່ານມາ ແລະ ແຈ້ງການທີ່ວ່າ ຫ້າມຊາວຄ້າຂາຍ ຕ່າງປະເທດຂາຍນັ້ນ ແມ່ນຍັງບໍ່ສາມາດເຮັດໄດ້ 100%. ໃນໄລຍະປັດຈຸບັນນີ້ ໃນຂອບເຂດທົ່ວປະເທດກຳລັງສະເຫຼີມສະຫຼອງງານບຸນອອກພັນສາ ປະຈຳປີ 2016 ຢ່າງຄືກຄືນມ່ວນຊື່ນ…ແຕ່ຢູ່ໃນນະຄອນຫຼວງຈຽງຈັນ ໂດຍສະເພາະງານບຸນອອກພັນສາທີ່ໜ້າວັດຈັນ ທີ່ຫຼາຍຮູ້ດີກັນວ່າ ເປັນງານທີ່ຍິ່ງໃຫຍ່ ແລະ ມີຄວາມຄືກຄືນມ່ວນຊື່ນ ແຕ່ໃນປີນີ້ແມ່ນງຽບເຫງົາຫຼາຍກວ່າປີຜ່ານໆມາ ເນື່ອງຈາກມີແຈ້ງການຈາກນະຄອນຫຼວງ ໃຫ້ມີການຈັດງານບຸນຊ່ວງເຮືອອອກພັນສາປີນີ້ ແບບກະທັດຮັດ ໜ້ອຍລົງກວ່າປີຜ່ານມາ ເຊິ່ງໄດ້ຈັດພຽງ 4 ວັນ ໂດຍເລີ່ມແຕ່ວັນທີ 14-17 ຕຸລາ ເທົ່ານັ້ນ ແລະ ຍັງແຈ້ງ ບໍ່ໃຫ້ມີຊາວຄ້າຂາຍທີ່ເປັນຄົນຕ່າງຊາດ. ສະນັ້ນ, ຈຶ່ງເຮັດໃຫ້ງານບຸນຊ່ວງເຮືອທີ່ໜ້າວັດຈັນປີນີ້ ງຽບເຫງົາຫຼາຍວ່າປີຜ່ານໆມາ. ສ່ວນບັນຍາກາດການຄ້າ-ຂາຍ ນັ້ນກໍ່ງຽບຕາມກັນກັບບັນຍາກາດຂອງງານບຸນ ເນື່ອງຈາກມີຜູ້ຄົນມາທ່ຽວຊົມໜ້ອຍ ແລະ ຊາວຄ້າ-ຂາຍ ທີ່ເປັນຄົນລາວຕ່າງກໍ່ຈົ່ມເປັນສຽງດຽວກັນວ່າ ງຽບເຫງົາຫຼາຍ, ເຄື່ອງກໍ່ບໍ່ໄດ້ຂາຍ ຄ່າເຊົ່າທີ່ກໍ່ແພງ ໂດຍສະເພາະຄ່າເຊົ່າທີ່ ເຕັນລະ 3,500,000-4,500,000 ກີບ ບວກກັບຄ່າໄຟ 700,000 ກີບ ແຕ່ການຂາຍເຄື່ອງນັ້ນແມ່ນເລີ່ມແຕ່ວັນທີ 13-17 ເທົ່ານັ້ນ.

ໂດຍ: ເດັກນະຄອນຫຼວງ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!