ສຳນັກຂ່າວຕ່າງປະເທດ ລາຍງານໃນວັນທີ 13 ຕຸລາຜ່ານມານີ້ວ່າ ກອງທັບເຮືອສະຫະລັດອາເມຣິກາ ໄດ້ຍິງຂີປະນາວຸດໂຈມຕີ ສະຖານີເຣດາ 3 ແຫ່ງຂອງກຸ່ມຮູຕີ ກຸ່ມຕໍ່ຕ້ານລັດຖະບານເຢແມນ ເຂດຊາຍຝັ່ງທະເລແດງ ໃນເວລາ 04:00 ຕາມເວລາໃນທ້ອງຖິ່ນ ໂດຍອ້າງເພື່ອຕອບໂຕ້ກໍລະນີທີ່ກຸ່ມດັ່ງກ່າວ ຍິງລູກສອນໄຟ 3 ລູກ ໃສ່ກຳປັ່ນສູ້ຮົບຂອງອາເມຣິກາ ໃນວັນທີ 9 ຕຸລາທີ່ຜ່ານມາ.

ການໂຈມຕີດັ່ງກ່າວນີ້ ໄດ້ຮັບການອະນຸມັດໂດຍ ປະທານາທິບໍດີ ບາຣັກ ໂອບາມາ ຊຶ່ງນັບເປັນການໂຕ້ຕອບທາງທະຫານຂອງອາເມຣິກາ ໃສ່ກຸ່ມຮູຕີໂດຍກົງ ຊຶ່ງຍຶດຄອງອຳນາດລັດຖະບານເຢແມນ ເປັນຄັ້ງທຳອິດໃນສົງຄາມກາງເມືອງເຢແມນ.  ທ່ານ ປີເຕີ ຄຸກ ໂຄສົກກະຊວງປ້ອງກັນປະເທດ ສະຫະລັດອາເມຣິກາ ໄດ້ກ່າວວ່າ ການໂຈມຕີແມ່ນເພື່ອປົກປ້ອງບຸກຄະລາກອນຂອງພວກເຮົາ, ເຮືອຂອງພວກເຮົາ ແລະ ເສລີພາບໃນການເດີນເຮືອຂອງພວກເຮົາ.

ຕິດຕາມເຮົາທາງFacebook ກົດຖືກໃຈເລີຍ!