ສື່ໄຕ້ຫວັນໄດ້ອອກມາເປີດເຜີຍວ່າ ແອັບເປິ້ນ ຜູ້ຜະລິດສະມາດໂຟນ ແລະ ແທັບເລັດຊື່ດັງຈາກອາເມລິກາ
ຈະອອກ ໂມງໄອວັອດ (iWach) ທັງໝົດ 3 ລຸ້ນ ມາພ້ອມໜ້າຈໍ 2 ຂະໜາດຄື: ຂະໜາດ 1.6 ນິ້ວ ແລະ 1.8
ນິ້ວ.
ເມື່ອວັນທີ 15 ກໍລະກົດຜ່ານມານີ້ ມີລາຍງານຈາກ Taiwan’s Economic Daily News ໃນສ່ວນຂອງຂ່າວ
ເສດຖະກິດປະຈຳວັນ ເປີດເຜີຍວ່າ ແອັບເປີ້ນກຽມຈະອອກ iWatch ເຊິ່ງເປັນໂມງອັດສະລິຍະທີ່ແອັບເປິ້ນ
ກຳລັງດັກຊຸ້ມພັດທະນາມາດົນນານທັງໝົດ 3 ລຸ້ນ ພ້ອມໜ້າຈໍ 2 ຂະໜາດ 1.6 ແລະ 1.8 ນິ້ວ ໂດຍລຸ້ນທັອບ
ຈະໃຊ້ໜ້າຈໍແຊັບໄຟຣ໌ ທີ່ມີຄວາມແຂັງແຮງທົນທານສູງ ແບບດຽວກັນກັບທີ່ເປັນຂ່າວ ວ່າຈະຖືກນຳໃຊ້
ເທິງໜ້າຈໍຂອງ ໄອໂຟນ 6 ນັ້ນເອງ.
ສຳລັບຂ່າວນີ້ ສວນທາງກັບຂ່າວລືຄັ້ງກ່ອນ ທີ່ທາງສຳນັກຂ່າວຣອຍເຕີ ລາຍວາຍວ່າ ໄອວັອດ ຈະມີໜ້າຈໍ
ສຳຜັດຊົງສີ່ຫຼ່ຽມຂະໜາດ 2.5 ນິ້ວພຽງລຸ້ນດຽວ, ນອກຈາກນີ້ ຍັງຮອງຮັບລະບົບສາກແບັດເຕີຣີໄຮ້ສາຍ,
ມີເຊັນເຊີ້ກວດຊີບພະຈອນ, ລວມເຖິງການທຳງານບາງຢ່າງ ເຊິ່ງຈະສາມມາດເຊື່ອມຕໍ່ກັບໂທລະສັບ ແລະ
ຄາດວ່າໜ້າຈະຮອງຮັບອຸປະກອນຂອງລະບົບ iOS ເທົ່ານັ້ນ.
ທັງນີ້ ຈາກຂ່າວລືຫຼາຍໆຂ່າວທີ່ອອກມາກ່ອນໜ້ານີ້ ບອກວ່າແອັບເປິ້ນຈະເປີດໂຕ iWatch ໃຫ້ໄດ້ເບິ່ງຮູບ
ໂສມກັນໃນເດືອນຕຸລາປີນີ້ ເຊິ່ງຈະມີຄວາມເປັນໄປໄດ້ຫຼາຍ ຫຼື ໜ້ອຍຄືແນວໃດ ສາວົກຄ້າຍແອັບເປິ້ນ
ກໍກຽມລໍຖ້າໄປພ້ອມໆກັນເລີຍ.