ສຳນັກຂ່າວຊິນຮົວ ລາຍງານໃນວັນທີ 12 ຕຸລາຜ່ານມານີ້ວ່າ ນັກບູຮານຄະດີຈີນ ໄດ້ຄົ້ນພົບສຸສານບູຮານ ທີ່ມີການຝັງສົບໄວ້ໃນໄຫ ຈຳນວນຮ້ອຍກວ່າຂຸມ ໃນເດືອນພຶດສະພາທີ່ຜ່ານມານີ້ ໃນເຂດແຫລ່ງບູຮານຄະດີ ເມືອງຫວງຫວາ ແຂວງເຫີເປີ່ຍ ໂດຍພົບວ່າພາຍໃນສຸສານແຫ່ງນີ້ ເປັນສຸສານຝັງສົບໃນຍຸກສົງຄາມຈ້ານກົ໋ວ ເມື່ອປະມານ 2,000 ປີທີ່ຜ່ານມາ.

ທີມນັກສຳນຫລວດບູຮານຄະດີ ພິພິທະພັນເມືອງຫວງຫວາ ໄດ້ດຳເນີນການກວດສອບພື້ນທີ່ດັ່ງກ່າວຢ່າງລະອຽດ ໂດຍໃຊ້ເວລາຫລາຍເດືອນຜ່ານມາແລ້ວ ຊຶ່ງຫລ້າສຸດໄດ້ພົບຂຸມຝັງສົບທັງໝົດ 113 ຂຸມ ໃນນັ້ນເປັນຂຸມຝັງສົບເດັກນ້ອຍ 107 ຂຸມ, ນອກຈາກນີ້ ຄະນະສຳຫລວດຍັງໄດ້ພົບໄຫຝັງສົບ ຊຶ່ງເຮັດດ້ວຍດິນເຜົາທັງໝົດ 20 ກວ່າຊະນິດທີ່ແຕກຕ່າງກັນ ຊຶ່ງສາມາດຢືນຢັນໄລຍະເວລາໄດ້ຢ່າງຊັດເຈນ ອັນເປັນປະໂຫຍດໃຫ້ແກ່ການສຶກສາ ປະເພນີການຝັງສົບ ແລະ ສະພາບຊີວິດການເປັນຢູ່ຂອງຜູ້ຄົນ ໃນຍຸກສະໄໝບູຮານເມື່ອ 2,000 ປີກ່ອນ ໄດ້ເປັນຢ່າງດີ.

ຕິດຕາມເຮົາທາງFacebook ກົດຖືກໃຈເລີຍ!