spot_img
Homeຂ່າວພາຍ​ໃນນາຍົກລັດຖະມົນຕີ ຮ່ວມເປີດງານວາງສະແດງ-ຕະຫລາດນັດ ເຕັກໂນໂລຊີ ສປປ ລາວ 2016

ນາຍົກລັດຖະມົນຕີ ຮ່ວມເປີດງານວາງສະແດງ-ຕະຫລາດນັດ ເຕັກໂນໂລຊີ ສປປ ລາວ 2016

Published on

ຂປລ. ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ​ແຫ່ງ ສປປ ລາວ ພ້ອມ​ດ້ວຍທ່ານ ນາງ ​ເຂັມ​ມະນີ ພົນ​ເສນາ ລັດຖະມົນຕີ​ກະຊວງ​ອຸດສາຫະກຳ ​ແລະ ການ​ຄ້າ ​ແລະ ພາກສ່ວນ​ກ່ຽວຂ້ອງ​​ເຂົ້າ​ຮ່ວມ ​ແລະ ​ຊົມງານ​ວາງສະ​ແດງ-ຕະຫລາດນັດ ​ເຕັກ​ໂນ​ໂລ​ຊີ ສປປ ລາວ ປະຈຳປີ 2016 ​ເຊິ່ງກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ຮ່ວມ​ກັບ ກະຊວງ​ອຸດສາຫະກຳ ​ແລະ ການ​ຄ້າ ຈັດ​ຂຶ້ນ​ໃນ​ ລະຫວ່າງ ​ວັນ​ທີ 12-16 ຕຸລາ 2016 ນີ້ ທີ່​ສູນ​ການ​ຄ້າ​ລາວ​-ໄອ​ເຕັກ(​ຕຶກເກົ່າ) ​ເພື່ອ​ສະ​ເຫລີ​ມສະຫລອງ ​ວັນ​ວິທະຍາສາດ​ແຫ່ງ​ຊາດ ​ແລະ ວັນ​ປະກາດ​ເອກະລາດ 12 ຕຸລາ. ພາຍ​ໃນ​ງານ​ມີ​ຮ້ານ​ຈາກ​ພາກສ່ວນ​ຕ່າງໆ ທັງພາຍ​ໃນ ​ແລະ ຕ່າງປະ​ເທດ ​ນຳ​ເອົາ​ຜະລິດ​ຕະພັນ​ເຕັກ​ໂນ​ໂລ​ຊີມາ​ວາງສະ​ແດງ ຫລາຍ​ກວ່າ 250 ຮ້ານ.

​ໃນ​ພິທີ​ເປີດ​ງານ​ດັ່ງ​ກ່າວ, ທ່ານ ບໍ່​ວຽງ​ຄຳ ວົງ​ດາລາ ລັດຖະມົນຕີ​ກະຊວງ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ໄດ້​ກ່າວ​ວ່າ: ​ການຈັດ​ງານ​ວາງສະ​ແດງ-ຕະຫລາດນັດ​ເຕັກ​ໂນ​ໂລ​ຊີ ສປປ ລາວ 2016 ​ແມ່ນ​ໜຶ່ງ​ໃນ​ແຜນ​ຈັດ​ຕັ້ງ​ປະຕິບັດ ​ເປົ້າ​ໝາຍ​ຍຸດ​ທະ​ສາດ ​ເພື່ອ​ສົ່ງ​ເສີມ​ການຖ່າຍ​ທອດ, ການ​ຄົ້ນ​ຄ້ວາ, ການ​ປະດິດ​ສ້າງ ​ແລະ ການ​ນຳ​ໃຊ້​ເຕັກ​​ໂນ​ໂລ​ຊີ ​ເຂົ້າ​ໃນ​ການ​ພັດທະນາ​ເສດ​ຖະ​ກິດ​-ສັງຄົມ ​ໃຫ້​ມີ​ປະສິດທິພາບ ​ແລະ ຈະ​ເປັນ​ເວທີ​ແລກປ່ຽນ​ການ​ຮ່ວມ​ມື​ ທາງ​ດ້ານ​ການ​ຄົ້ນ​ຄ້ວາ ​ແລະ ​ເປັນ​ເວທີ​ການ​ຮ່ວມ​ມື​ລົງທຶນ ທາງ​ດ້ານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ລະຫວ່າງ​ພາກ​ລັດ, ​ເອກະ​ຊົນ, ສະ​ຖາ​ບັນ​ຄົ້ນ​ຄວ້າ, ມະຫາວິທະຍາ​ໄລ, ພາກ​ທຸລະ​ກິດ ​ແລະ ຜູ້​ປະກອບ​ການ​ທັງ​ພາຍ​ໃນ ​ແລະ ຕ່າງປະ​ເທດ ​ແນໃສ່​ໃຫ້​ວຽກ​ງານ​ວິທະຍາສາດ ​ແລະ ​ເຕັກ​ໂນ​ໂລ​ຊີ ​ເປັນ​ກຳລັງ​ຂັບ​ເຄື່ອນ​ທີ່​ເຂັ້ມ​ແຂງ ​ໃຫ້​ແກ່​ການ​ພັດທະນາ​ເສດຖະກິດ-ສັງຄົມ ​ແລະ ການ​ຫັນ​ປະ​ເທດ​ໃຫ້​ເປັນ​ອຸດສາຫະກຳ ​ແລະ ທັນ​ສະ​ໄໝ​ເທື່ອ​ລະ​ກ້າວ ນຳພາ​ປະ​ເທດ​ຊາດ​ຫລຸດ​ພົ້ນ​ອອກ​ ຈາກຄວາມ​ດ້ອຍ​ພັດທະນາ ປີ 2020.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...