ດົນແລ້ວທີ່ແອັດມິນບໍ່ໄດ້ໄປແວະເບິ່ງ ເຟສບຸກຂອງເຈົ້າພໍ່ໃນວົງການຮູບເງົາຂອງບ້ານເຮົາ ຢ່າງ ອ້າຍ ເຈ້ຍ ປາຊີຟິກ ມື້ນີ້ຄິດອອກ ແລະ ຕັ້ງໃຈເຂົ້າໄປເບິ່ງ ກໍ່ໄດ້ຮູ້ຂ່າວວ່າໃນມໍ່ໆນີ້ ອ້າຍເຈ້ຍເພິ່ນມີແຜນເປີດກອງຖ່າຍທຳ ຮູບເງົາເລື່ອງ “ຫົງຫ້າມເຕົ່າ” ພາຍໃນເດືອນພະຈິກນີ້ ສະນັ້ນແອັດມິນເລີຍບໍ່ພາດທີ່ຈະນຳມາອັບເດດໃຫ້ແຟນເພສໄດ້ຮູ້ຈັກນຳກັນ
“ຫົງຫ້າມເຕົ່າ” ເລື່ອງນີ້ໄດ້ຂົນແຕ່ດາລາມີຄຸນນະພາບສູງທີ່ຫຼາຍຄົນຮູ້ຈັກກັນດີມາສະແດງໃນເລື່ອງນີ້ເຊັ່ນ: ລູກນ້ຳ, ກະຕ່າຍ, ເບບີ້ ແລະ ດາລາດັງທີ່ມີສີມືໃນການສະແດງອີກຫຼາຍທ່ານ ເຊິ່ງບໍ່ບອກຫຍັງຫຼາຍກໍ່ຮູ້ເລີຍວ່າຮູບເງົາເລື່ອງນີ້ຕ້ອງມ່ວນຊື່ນ ຕາມສະໄຕລຂອງອ້າຍເຈ້ຍ ຄືຮູບເງົາເລື່ອງຜ່ານໆມາແນ່ນອນ
ເຊິ່ງທາງ ອ້າຍ ເຈ້ຍ ປາຊີຟິກ ມີແຜນຈະອອກສາຍຮູບເງົາເລື່ອງນີ້ ພາຍໃນ 4 ປະເທດຄື: ໄທ, ກໍາປູເຈ້ຍ, ມຽນມ້າ ແລະ ຫວຽດນາມ.
ນີ້ກໍ່ເປັນອີດໜຶ່ງຂ່າວດີກ່ຽວກັບວົງການຮູບເງົາຂອງບ້ານເຮົາ ສຳລັບແຟນຮູບເງົາຂອງຜູ້ກຳກັບມືທອງຄົນ ອ້າຍ ເຈ້ຍ ປາຊີຟິກ ຖ້າຫາກມີການເຄື່ອນໄຫວຫຍັງກ່ຽວກັບຮູບເງົາເລື່ອງນີ້ເພີ່ມເຕີມ ບັນເທີງ ກັບ ດາລາ ຈະຟ້າວນຳມາອັບເດດໃຫ້ຮູ້ແນ່ນອນ
ຂອບໃຈຮູບພາບ ແລະ ຂ່າວຈາກ: Jear Pacific
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!