ຫລາຍຄົນຄົງສົງໄສສຳລັບງານປະກວດນາງສາວລາວ 2016 ທີ່ຜ່ານພົ້ນໄປໃນຄ່ຳຄືນວັນທີ 8 ກັນຍາ ເນື່ອງຈາກວ່າ ມົງກຸດທີ່ສວມໃສ່ໃຫ້ແກ່ນ້ອງນາງສາວຜູ້ໄດ້ຕຳແຫນ່ງນັ້ນແມ່ນຄ້າຍຄືກັບມົງກຸດຂອງນາງສາວລາວປີ 2015 ແລະຜູ້ມອບກໍບໍ່ແມ່ນນ້ອງສຸຕິລັກ ອິນທະວົງ (Miss Lao 2015) ດັ່ງທີ່ຄວນຈະເປັນ.
ແຕ່ໃນວັນທີ 9 ກັນຍາ ທາງບໍລິສັດຄົມປັນຍາຜູ້ຮັບຜິດຊອບການຈັດງານໄດ້ອອກມາຊີ້ແຈ້ງແລ້ວວ່າມົງກຸດທີ່ສວມໃສ່ເທິງເວທີຂອງນ້ອງ ບຸດສະບາ ແສງປັນ ນາງສາວລາວປີຫລ້າສຸດ ແມ່ນໄດ້ຖືກຢືມຂອງນາງສາວລາວປີກາຍມາໃສ່ແທ້ ເນື່ອງຈາກທິມງານໄດ້ມີບັນຫາຜິດພາດເຮັດໃຫ້ມົງກຸດທີ່ກະກຽມໄວ້ເຊິ່ງມີມູນຄ່າສູງເຖິງ 35 ລ້ານກີບນັ້ນບໍ່ສາມາດນຳຂຶ້ນເທິງເວທີໄດ້ຢ່າງທັນການ. ແຕ່ເຖິງຢ່າງໃດກໍຕາມທາງທິມງານກໍໄດ້ຂໍອະນຸຍາດຈາກຜູ້ໃຫຍ່ ແລະ ທາງສາວສຸຕິລັກເອງ (ນາງສາວລາວ 2015) ກໍ່ຍອມຖອດມົງກຸດປະຈຳຕຳແຫນ່ງໃຫ້ແກ່ນາງສາວລາວຜູ້ໃຫມ່ຢືມໃສ່ເພື່ອແກ້ໄຂສະຖານະການສະເພາະຫນ້າໃຫ້ທັນເວລາ ເປັນເຫດໃຫ້ນາງບໍ່ສາມາດມາເຮັດຫນ້າທີ່ສົ່ງມອບມົງກຸດຄືດັ່ງທຳນຽມທີ່ປະຕິບັດກັນມາ. ມົງກຸດຢູ່ເທິງຫົວຂອງນາງງາມທຸກຄົນເປັນສິ່ງທີ່ມີກຽດສະຫງ່າ ຫນ້ານັບຖືນ້ຳໃຈ Miss Lao 2015 ທີ່ຍອມຖອດມັນອອກມາໃຫ້ຜູ້ອື່ນສວມໃສ່ ພ້ອມທັງຮອຍຍິ້ມ ແລະ ຄວາມຍິນດີຢູ່ດ້ານຫລັງເວທີ! ນັບຖືນ້ຳໃຈຂອງນາງເປັນຢ່າງຍິ່ງ ແບບນີ້ທີ່ເຂົາເອີ້ນວ່າ ນາງສາວລາວຕົວຈິງ ງາມທາງກາຍ, ວາຈາ ແລະ ໃຈ ສຸຕິລັກ ອິນທະວົງ ນາງສາວລາວ 2015
ຂ່າວຈາກ: 
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!