ສຳນັກຂ່າວຕ່າງປະເທດ ລາຍງານໃນວັນທີ 5 ຕຸລາຜ່ານມານີ້ວ່າ ຣັດເຊຍປະກາດຈະໂຈະຂໍ້ຕົກລົງດ້ານນິວເຄລຍ ແລະ ການຄົ້ນຄ້ວາພະລັງງານນິວເຄລຍ ທີ່ສອງຝ່າຍໄດ້ເຊັນໃນປີ 2013 ກັບສະຫະລັດອາເມຣິກາ ເພື່ອໂຕ້ຕອບກໍລະນີລັດຖະບານອາເມຣິກາ ນຳໃຊ້ມາດຕະການຂວ້ຳບາດຣັດເຊຍ ກ່ຽວກັບບັນຫາອູແກຣນ.
ອີງຕາມເວັບໄຊທາງການຂອງລັດຖະບານຣັດເຊຍ ໄດ້ປະກາດດຳລັດຂອງ ທ່ານ ດິມິທຣີ ເມດເວເດບ ນາຍົກລັດຖະມົນຕີຣັດເຊຍ ຊຶ່ງໄດ້ລະບຸວ່າ ກ່ຽວກັບມາດຕະການຂວ້ຳບາດຂອງອາເມຣິກາຕໍ່ຣັດເຊຍ, ທາງຝ່າຍຣັດເຊຍຈະດຳເນີນການໂຈະການຮ່ວມມື ລະຫວ່າງ ຣັດເຊຍ-ອາເມຣິກາ ໃນຂົງເຂດພະລັງງານນິວເຄລຍ ຊຶ່ງຈະເຮັດໃຫ້ພົນລະເມືອງອາເມຣິກາທຸກຄົນ ຈະບໍ່ໄດ້ຮັບອະນຸຍາດໃຫ້ເຂົ້າໄປບັນດາຮາກຖານດ້ານນິວເຄລຍຂອງຣັດເຊຍອີກຕໍ່ໄປ.
ຕິດຕາມເຮົາທາງFacebook ກົດຖືກໃຈເລີຍ!