spot_img
Homeຂ່າວເຫດການເນື້ອທີ່ປ່າໄມ້ຫຼຸດລົງຢ່າງຕໍ່ເນື່ອງ

ເນື້ອທີ່ປ່າໄມ້ຫຼຸດລົງຢ່າງຕໍ່ເນື່ອງ

Published on

 

2
(ພາບປະກອບ)

 

ກະຊວງຊັບພະຍາກອນທຳ ມະຊາດ ແລະ ສິ່ງແວດລ້ອມໃຫ້ຮູ້ວ່າ: ໃນຊຸມປີ 1960 ເນື້ອທີ່ປົກຫຸ້ມປ່າໄມ້

ກວມປະມານ 71,6% (17 ລ້ານກວ່າເຮັກຕ້າ) ຂອງເນື້ອທີ່ທົ່ວປະເທດ ແລະ ຜ່ານຈາກການສຳຫລວດ

ຄວາມປົກຫຸ້ມຂອງປ່າໄມ້ ໄດ້ດຳເນີນມາແຕ່ລະປີຄື: ປີ 1982, 1992, 2002 ແລະ 2010 ດ້ວຍພາບຖ່າຍ

ດາວທຽມ ໄດ້ຊີ້ໃຫ້ເຫັນວ່າ: ໃນປີ 1982 ການປົກຫຸ້ມຂອງປ່າໄມ້ປະມານ 49% (11,5 ລ້ານເຮັກຕາ), ປີ

1990 ປະມານ 47%, ປີ 2002 ມີປະມານ 41,5% ແລະ ປີ 2010 ຍັງເຫລືອປະມານ 40,34% ຕົວເລກນີ້

ຢັ້ງຢືນໃຫ້ເຫັນວ່າ: ສະພາບປ່າໄມ້ໄດ້ຫລຸດລົງຕໍ່ເນື່ອງໃນແຕ່ລະໄລຍະ, ອັນມີຜົນສະທ້ອນມາຈາກການ

ນຳໃຊ້ໄມ້ ແລະ ຊັບພະຍາກອນທຳມະຊາດ ແບບບໍ່ເໝາະສົມ ແລະ ບໍ່ເກີດປະໂຫຍດສູງສຸດ ໃຫ້ແກ່ການ

ພັດທະນາເສດຖະກິດ – ສັງຄົມ ແລະ ການເພີ່ມຂຶ້ນຂອງປະຊາກອນ, ປະຊາຊົນສ່ວນຫລາຍຍັງອາໄສ

ແລະ ທຳມາຫາກິນອີງໃສ່ຊັບພະຍາກອນທຳມະຊາດເປັນຕົ້ນຕໍ ໂດຍສະເພາະແມ່ນການຖາງປ່າ ແລະ

ເຮັດໄຮ່ເຄື່ອນທີ່, ການຂຸດຄົ້ນໄມ້ແບບຊະຊາຍ ລວມເຖິງການນຳໃຊ້ທີ່ດິນປ່າໄມ້ໄປສູ່ເປົ້າໝາຍອື່ນ.

 

ກະຊວງດັ່ງກ່າວໃຫ້ຮູ້ວ່າ: ປັດຈຸບັນ, ໄດ້ມີການກຳນົດປະເພດປ່າຄື: ປ່າປ້ອງກັນມີປະມານ 49 ແຫ່ງ

ກວມເນື້ອທີ່ປະມານ 7,4 ລ້ານເຮັກຕາ, ປ່າສະຫງວນ 24 ແຫ່ງ ກວມເນື້ອທີ່ປະມານ 4,7 ລ້ານເຮັກຕາ

ແລະ ປ່າຜະລິດ ມີ 51 ເຂດ ກວມເນື້ອທີ່ປະມານ 3,1 ລ້ານເຮັກຕາ ແລະ ແຕ່ປັດຈຸບັນນີ້, ສະພາບປ່າໄມ້

ດັ່ງກ່າວຍັງສືບຕໍ່ຖືກທຳລາຍຢ່າງໜັກໜວ່ງ ເປັນຕົ້ນ: ມີການລັກລອບຕັດໄມ້ຫວງຫ້າມເປັນຈຳນວນ

ຫລາຍໃນຂອບເຂດທົ່ວປະເທດເຊັ່ນ: ໄມ້ຂະຍຸງ, ປະດົງ, ໄມ້ດູ່, ແຕ້ຂ່າ ແລະ ອື່ນໆເພື່ອສົ່ງອອກໄມ້ທ່ອນ,

ນອກຈາກນີ້, ມີຫລາຍໂຄງການພັດທະນາເປັນຕົ້ນການກໍ່ສ້າງເສັ້ນທາງ, ເຂື່ອນໄຟຟ້າ, ປູກພືດອຸດສະ

ຫະກຳ, ແຮ່ທາດໄດ້ກວມເອົາເນື້ອທີ່ຂອງປ່າໄມ້ຍັງມີຢູ່.

 

ແຫຼ່ງຂ່າວ: ໜັງສືພິມລາວພັດທະນາ

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...