ຂປລ. ໃນວັນທີ 4 ຕຸລາ 2016 ນີ້ ທີ່ສະໜາມກິລາຂອງແຂວງ ໄດ້ມີພິທີໄຂການແຂ່ງຂັນກິລາ ນັກຮຽນມັດທະຍົມສືກສາທົ່ວແຂວງຂື້ນຢ່າງເປັນທາງການ ໂດຍມີ ທ່ານ ຄຳໝັ້ນ ຈັນທະລັງສີ ຮອງເຈົ້າແຂວງຫລວງພະບາງ ພ້ອມຄະນະນຳຂອງ ພະແນກສືກສາທິການ ແລະ ກິລາແຂວງ, ເມືອງ ແລະ ໜ່ວຍງານອອ້ມຂ້າງເຂົ້າຮ່ວມ.
ການແຂ່ງຂັນໃນຄັ້ງນີ້ມີທັງໝົດ 11 ປະເພດກິລາເຊັ່ນ: ແລ່ນລານ ຍີງ-ຊາຍ, ບານເຕະຊາຍ, ບານສົ່ງຍີງ-ຊາຍ, ກະຕໍ້ຍີງ-ຊາຍ, ເປຕັງຍີງ-ຊາຍ, ໝາກຂ່າງຍີງ-ຊາຍ, ໜ້າເກັກຍີງ-ຊາຍ, ບານບ້ວງຍີງ-ຊາຍ, ດອກປີກໄກ່ຍີງ-ຊາຍ, ປີ່ງປ່ອງຍີງ-ຊາຍ, ແລະ ໝາກເສີກຍີງ-ຊາຍ.
ທ່ານ ຄຳໝັ້ນ ຈັນທະລັງສີ ໄດ້ກ່າວວ່າ: ການແຂ່ງຂັນກິລາຄັ້ງນີ້ ແມ່ນເປັນຂະບວນການຂໍ່ານັບຮັບຕ້ອນ ວັນສໍາຄັນຂອງຊາດ ແລະ ຍັງເປັນການກະກຽມ ໃຫ້ການແຂ່ງຂັນກິລາ ໃນແຂວງບໍລິຄໍາໄຊ, ສະນັ້ນ ນັກກິລາຕ້ອງສຸມໃສ່ແຂ່ງຂັນດ້ວຍຄວາມສາມາດ ເຄົາລົບລະບຽບຂອງການແຂ່ງຂັນ ສ່ວນກຳມະການກໍຕ້ອງຕັດສີນໃຫ້ມີຄວາມທ່ຽງທຳ ແລະ ມວນຊົນທົ່ວໄປ ກໍ່ຕ້ອງໃຫ້ກຳລັງໃຈດ້ວຍການຊົມການເຊຍ ນັກກິລາແຕ່ລະປະເພດໃຫ້ຄືກຄື້ນ ແລະ ມ່ວນຊື່ນ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!