ສຳນັກຂ່າວຕ່າງປະເທດ ລາຍງານໃນວັນທີ 30 ກັນຍານີ້ວ່າ ຈີນກຽມສ້າງສະຖານີລົດໄຟຟ້າຄວາມໄວສູງໃຕ້ດິນ ທີ່ມີຄວາມເລິກທີ່ສຸດໃນໂລກ ລອດກ້ອງກຳແພງເມືອງຈີນ ສຳລັບການກະກຽມໃຫ້ແກ່ ການເປັນເຈົ້າພາບຈັດງານ ມະຫາກຳກິລາໂອລິມປິກລະດູໜາວ ໃນປີ 2022 ເພື່ອເຊື່ອມຕໍ່ລະຫວ່າງ ນະຄອນຫລວງປັກກິ່ງ ແລະ ນະຄອນຈັງຢາໂຂວ ແຂວງເຫີເປີ່ຍ ຊຶ່ງກຳນົດໃຫ້ເປັນບ່ອນຈັດງານແຂ່ງຂັນກິລາດັ່ງກ່າວນີ້.
ສະຖານີລົດໄຟຟ້າຄວາມໄວສູງໃຕ້ດິນ ປາຕ໋າຫລິງ ຈະສ້າງເລິກລົງໄປໃຕ້ດິນ 102 ແມັດ ແລະ ມີພື້ນທີ່ກໍ່ສ້າງສະຖານີ 36,000 ຕາແມັດ ຂະໜາດເທົ່າກັບເດີ່ນເຕະບານ 5 ເດີ່ນລວມກັນ ຊຶ່ງພາຍຫລັງກໍ່ສ້າງສຳເລັດ ສະຖານີດັ່ງກ່າວ ຈະເປັນສະຖານີລົດໄຟຟ້າຄວາມໄວສູງໃຕ້ດິນ ທີ່ເລິກທີ່ສຸດ ແລະ ໃຫຍ່ທີ່ສຸດໃນໂລກ.
ຕິດຕາມເຮົາທາງFacebook ກົດຖືກໃຈເລີຍ!