ສຳນັກຂ່າວຕ່າງປະເທດ ລາຍງານໃນວັນທີ 30 ກັນຍານີ້ວ່າ ສຳນັກງານໄປສະນີຈີນ ປະຈຳເມືອງຫູໂຈວ ແຂວງເຈີ້ຈຽງ ໄດ້ທຳການທົດລອງນຳໃຊ້ ຫຸ່ນອາກາດສະຍານແບບບັງຄັບໄຮ້ຄົນຂັບ ຫລື ໂດຣນ (drone) ອອກຈັດສົ່ງພັດສະດຸໄປບ້ານຊີ່ກວນ ຊຶ່ງຕັ້ງຢູ່ໃນເຂດຊົນນະບົດ ຫ່າງຈາກສຳນັກງານໄປສະນີປະມານ 17 ກິໂລແມັດ ໂດຍໃຊ້ເວລາພຽງແຕ່ 15 ນາທີ.

ເຈົ້າໜ້າທີ່ສຳນັກງານໄປສະນີດັ່ງກ່າວ ເປີດເຜີຍວ່າ ໂດຣນຖືກອອກແບບ ແລະ ຜະລິດໂດຍມີລະບົບຂັບເຄື່ອນ 6 ໃບພັດ ສາມາດບິນໄດ້ດົນ 30 ນາທີ ແລະ ເດີນທາງໄດ້ໃນລັດສະໝີ 20 ກິໂລແມັດ ຕໍ່ການສາກແບັດເຕີຣີໜຶ່ງຄັ້ງ ຊຶ່ງການທົດລອງດັ່ງກ່າວນີ້ ແມ່ນຢູ່ໃນໄລຍະເວລາ 3 ເດືອນ, ຫລັງຈາກນັ້ນຈະມີການທົບທວນເບິ່ງຄວາມເປັນໄປໄດ້ ກ່ອນທີ່ຈະນຳໄປໃຊ້ໃນໄລຍະຍາວ ໃນອະນາຄົດ.

ຕິດຕາມເຮົາທາງFacebook ກົດຖືກໃຈເລີຍ!