ເຊື່ອວ່າຫຼາຍໆຄົນຮູ້ດີວ່າ ຜັກ ແລະໝາກໄມ້ຕ່າງໆລ້ວນແລ້ວແຕ່ມີປະໂຫຍດຕໍ່ສຸຂະພາບ ແລະມີໝາກໄມ້ຫຼາຍຊະນິດທີ່ມີປະໂຫຍດຢ່າງຫຼວງຫຼາຍ. ມື້ນີ້ເຮົາຈະມາບອກເຖິງປະໂຫຍດຂອງໝາກມັງກອນທີ່ຫຼາຍຄົນຄວນຮູ້ ແລະຄວນກິນ
- ຄວບຄຸມນໍ້າໜັກໄດ້ດີ ແລະຜູ້ທີ່ເປັນເບົາຫວານກໍສາມາດກິນໄດ້: ມັງກອນເປັນໝາກໄມ້ທີ່ມີໄຟເບີສູງ ເຊິ່ງໄຟເບີເປັນສານອາຫານທີ່ສຳຄັນທີ່ຊ່ວຍໃນການຄວບຄຸມນໍ້າຕານໃນເລືອດ ເໝາະສຳລັບຜູ້ທີ່ເປັນພະຍາດເບົາຫວານ. ແຕ່ເຖິງແນວນັ້ນກໍດີ ກໍຄວນຢູ່ໃນພາຍໃຕ້ການແນະນຳຂອງໝໍຈະດີກວ່າ ເພາະຖ້າກິນຫຼາຍ ກໍອາດຈະເຮັດໃຫ້ລະດັບນໍ້າຕານໃນເລືອດຕໍ່າລົງຈົນເປັນອັນຕະລາຍໄດ້
- ບໍາລຸງຜົມເຮັດໃຫ້ຜົມນຸ່ມ: ມັງກອນເປັນອີກສູດລັບທີ່ຊ່ວຍບຳລຸງຜົມ ທີ່ຜ່ານການເຮັດສີໃຫ້ມີສຸຂະພາບດີ ພຽງແຕ່ປະສົມນໍ້າມັງກອນລົງໃນຄີມນວດຜົມ ແລ້ວໝັກປະໄວ້ຄ່ອຍລ້າງອອກ ກໍຈະຊ່ວຍໃຫ້ຮູຂຸມຂົນເທິງຫົວເປີດ ແລະເຮັດໃຫ້ຕ່ອມຜົມເປີດ ຊ່ວຍໃຫ້ຜົມໄດ້ຮັບການບຳລຸງຢ່າງເຕັມທີ່
- ຊ່ວຍຫຼຸດຂໍ້ອັກເສບ ຫຼຸດອາການເຈັບປວດ: ພະຍາດຂໍ້ອັກເສບ ນອກຈາກຈະສ້າງຄວາມເຈັບປວດ ໃຫ້ແກ່ຜູ້ທີ່ເປັນແລ້ວ ຍັງເຮັດໃຫ້ເຄື່ອນໄຫວບໍ່ສະດວກ ແລະມັງກອນມີີລິດໃນການຕ້ານການອັກເສບ, ການກິນມັງກອນຈະຊ່ວຍໃຫ້ອາການອັກເສບ ແລະການເຈັບປວດນັ້ນຫຼຸດລົງໄດ້
- ພອກໜ້າຫຼຸດການເກີດສິວ ຜິວງາມສຸດໆ: ໃຜວ່າມັງກອນກິນໄດ້ຢ່າງດຽວ ມັງກອນຍັງສາມາດນຳມາປອກເປັນປ່ຽງແລ້ວພອກໜ້າໄດ້ອີກດ້ວຍ ເຊິ່ງໝາກໄມ້ທີ່ອຸດົມດ້ວຍວິຕາມິນຊີນີ້ ສາມາດປ້ອງກັນການເປັນສິວ ແລະເຮັດໃຫ້ຜິວໜ້ານຽນນຸ້ມຊຸ່ມຊື່ນ ຫຼຸດລິ້ວລອຍທີ່ເກີດຂຶ້ນກ່ອນໄວ ແລະຖ້າຫາກຢາກໄດ້ຜົນດີທີ່ສຸດ ຕ້ອງພອກດ້ວຍມັງກອນມື້ລະ 2 ຄັ້ງ ແລ້ວລ້າງນໍ້າສະອາດ
- ຮັກສາຜິວໄໝ້ຈາກແສງແດດ: ສຳລັບໜຸ່ມໆ ສາວໆ ທີ່ມັກອາບແດດ ຫຼືຈຳເປັນຕ້ອງຢູ່ແດດດົນໆ ຈົນເກີດອາການຜິວໄໝ້ແດດ ມັງກອນສາມາດຊ່ວຍຮັັກສາຜິວບໍລິເວນນັ້ນໄດ້ດີ ເທົ່າກັບຫວ້ານຫາງແຂ້ ເພາະໃນມັງກອນນັ້ນມີວິຕາມິນບີ 3 ທີ່ໃຫ້ຄວາມຊຸ່ມຊື່ນ ບໍລິເວນທີ່ຖືກແດດຈະຊ່ວຍຮັກສາໃຫ້ດີໄດ້
- ບຳລຸງຫົວໃຈ ເພື່ອອາຍຸຍືນຍາວ: ມັງກອນນັ້ນມີສັບພະຄຸນຫຼາຍ ຊ່ວຍຫຼຸດຄໍເລດເຕີລໍ ຊະນິດທີ່ບໍ່ດີໃນເລືອດ ແລະຊ່ວຍເພີ່ມລະດັບຄໍເລດເຕີລໍຊະນິດທີ່ດີຕໍ່ຮ່າງກາຍ ແຖມຍັງເປັນໝາກໄມ້ທີ່ມີໄຂມັນອິ່ມຕົວທີ່ດີຕໍ່ສຸຂະພາບອີກດ້ວຍ
- ຫຼຸດລິ້ວລອຍ ໃຫ້ໃບໜ້າໃສ: ການກິນມັງກອນທີ່ອຸດົມໄປດ້ວຍສານຕ້ານອະນຸມູນອິດສະລະ ສາມາດເຮັດໃຫ້ຜິວພັນເຕັ່ງຕຶງ ແລະເບິ່ງອ່ອນກ່ອນໄວໄດ້ ໂດຍທີ່ບໍ່ຕ້ອງເພິ່ງຄີມບໍາລຸງໃດໆ ຫຼືຖ້າຢາກໄດ້ປະໂຫຍດທີ່ຫຼາຍກວ່າກໍເອົາມັງກອນໄປປະສົມກັບນໍ້າເຜິ້ງແລ້ວເອົາມາພອກໜ້າ ຈະເຮັດໃຫ້ເບິ່ງແລ້ວອ່ອນກ່ອນໄວອັນຄວນແນ່ນອນ
- ເພີ່ມການເຮັດວຽກຂອງສານຕ້ານອະນຸມູນອິດສະລະ ຫ່າງໄກຈາກພະຍາດມະເຮັງ: ສານຕ້ານອະນຸມູນອິດສະລະໃນຮ່າງກາຍເປັນຕົວການສຳຄັນທີ່ເຮັດໃຫ້ເກີດການອັກເສບ ແລະສາມາດກໍ່ໃຫ້ເກີດເຊວມະເຮັງໃນຮ່າງກາຍໄດ້ ດັ່ງນັ້ນການກິນອາຫານທີ່ມີສານຕ້ານອະນຸມູນອິດສະລະ ຈຶ່ງເປັນເລື່ອງທີ່ດີ ເຊິ່ງໃນມັງກອນນັ້ນກໍມີສານຕ້ານອະນຸມູນອິດສະລະຢູ່ຫຼາຍ ບໍ່ຈຳເປັນຕ້ອງເສຍເງິນແພງທ ເພື່ອຊື້ໝາກໄມ້ຕະກຸນເບີລີ່ ທີ່ນຳເຂົ້າຈາກຕ່າງປະເທດ
- ແຄລໍລີ່ຕໍ່າ: ມັງກອນປະມານ 200 ກຼາມນັ້ນມີແຄລໍລີ່ປະມານ 60 ກຼາມເທົ່ານັ້ນ ເຊິ່ງຖືວ່າໜ້ອຍ ນອກຈາກນີ້ຍັງມີສານອາຫານທີ່ດີຕໍ່ຮ່າງກາຍອີກຫຼາກຫຼາຍ ເໝາະສຳລັບຄົນທີ່ກຳລັງຫຼຸດນໍ້າໜັກ
- ຮັກສາອາການໄອ: ອາການໄອທີ່ເກີດຈາກພະຍາດໄຂ້ຫວັດນັ້ນ ເປັນອາການທີ່ສ້າງຄວາມລຳຄານຫຼາຍ ນອກຈາກກິນຢາທີ່ແພດສັ່ງແລ້ວ ຖ້າຫາກກິນໝາກມັງກອນທີ່ມີວິຕາມິນຊີສູງ ຈະເຮັດໃຫ້ພູມຄຸ້ມກັນແຂງແຮງຂຶ້ນ ແລະຊ່ວຍໃຫ້ການຕິດເຊື້ອທາງລະບົບທາງເດີນຫາຍໃຈບັນເທົາລົງໄດ້
ທີ່ມາ: kapook
ຕິດຕາມນານາສາລະ ກົດໄລຄ໌ເລີຍ!