ສຳນັກຂ່າວຕ່າງປະເທດ ລາຍງານໃນວັນທີ 6 ກັນຍາຜ່ານມານີ້ວ່າ ໃນວັນຈັນທີ 5 ກັນຍາ 2016 ໄດ້ເກີດເຫດໄຟໄໝ້ຄ້າຍຄຸມຂັງ ຄິລິນໂຕ ຊຶ່ງເປັນໜຶ່ງໃນຄ້າຍຄຸມຂັງທີ່ໃຫຍ່ທີ່ສຸດ ຢູ່ປະເທດເອທິໂອປີ ຊຶ່ງສຳນັກງານກິດຈະການສື່ສານ ລັດຖະບານເອທິໂອປີ ໄດ້ອອກມາຢືນຢັນແລ້ວວ່າ ມີນັກໂທດເສຍຊີວິດຈາກເຫດດັ່ງກ່າວນີ້ ຢ່າງໜ້ອຍ 23 ຄົນ ຊຶ່ງໃນນັ້ນ 21 ຄົນ ເສຍຊີວິດຈາກການຢຽບກັນຕາຍ ແລະ ການຂາດອາກາດຫາຍໃຈ, ສ່ວນອີກ 2 ຄົນ ຖືກເຈົ້າໜ້າທີ່ສັງຫານ ຂະນະພະຍາຍາມສວຍໂອກາດ ຫລົບໜີຈາກຄ້າຍຄຸມຂັງ ໃນເວລາເກີດໄຟໄໝ້.
ນອກຈາກນີ້ ຍັງມີນັກໂທດ ແລະ ເຈົ້າໜ້າທີ່ຕຳຫລວດອີກ 9 ຄົນ ໄດ້ຮັບບາດເຈັບຈາກເຫດການດັ່ງກ່າວ, ແນວໃດກໍຕາມ ທາງການເອທິໂອປີ ຍັງບໍ່ສາມາດສະຫລຸບສາເຫດໄຟໄໝ້ດັ່ງກ່າວນີ້ເທື່ອ ຊຶ່ງຕຳຫລວດຍັງຄົງວາງຂໍ້ສັນນິຖານວ່າ ອາດເກີດຈາກການວາງເພີງ ແລະ ອື່ນໆ.
ຕິດຕາມເຮົາທາງFacebook ກົດຖືກໃຈເລີຍ!