ຂປລ. ຕາມຂ່າວຕ່າງປະເທດ, ວັນທີ 6 ກັນຍາ, ເຈົ້າໜ້າທ່ີສຳນັກງານ ເພື່ອການປະສານງານດ້ານມະນຸດສະທຳ ແຫ່ງ ສະຫະປະຊາຊາດ (OCHA) ໃຫ້ຮູ້ວ່າ ເກີດອຸທົກກະໄພໃນ ສປປ ເກົາຫລີ ຫລື ເກົາຫລີເໜືອ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 60 ຄົນ, ສູນຫາຍ 15 ຄົນ ແລະ ອີກ 44.000 ກວ່າຄົນ ບໍ່ມີທີ່ຢູ່ອາໄສ ເນື່ອງຈາກແມ່ນ້ຳຕູເມນ ຊຶ່ງເປັນໜຶ່ງໃນແມ່ນ້ຳສາຍຫລັກ ທາງຕາເວັນອອກສຽງເໜືອຂອງທະວີບອາຊີ, ເປັນເຂດຊາຍແດນຕິດກັບຈີນ ແລະ ລັດເຊຍ ມີລະດັບນ້ຳເພີ່ມສູງຂຶ້ນ ພາຍຫລັງຝົນຕົກ ຢ່າງໜັກເປັນເວລາ 4 ວັນຜ່ານມາ. ນອກຈາກນີ້ ເຮືອນຊານ ແລະ ອາຄານຕ່າງໆ ໄດ້ຮັບຄວາມເສຍຫາຍ 9.000-15.000 ແຫ່ງ, ເນື້ອທ່ີກະສິກໍາອີກ 10.000 ເຮັກຕາ ຈົມຢູ່ໃຕ້ນ້ຳ. ປັດຈຸບັນ, ອົງການຈັດຕັ້ງສາກົນຫລາຍແຫ່ງ ພວມເລັ່ງໃຫ້ການຊ່ວຍເຫລືອປະຊາຊົນ ຜູ້ປະສົບເຄາະຮ້າຍດັ່ງກ່າວ ຢ່າງຮີບດ່ວນ.
ແຫລ່ງຂ່າວ:
ຕິດຕາມເຮົາທາງFacebook ກົດຖືກໃຈເລີຍ!