ໃນຄໍລຳ ຄວາມຮູ້ກ່ຽວກັບການລ້ຽງລູກ ວັນນີ້ເຮົາຈະມານຳສະເໜີ ວິທີການສອນລູກນ້ອຍໃຫ້ເອົາຕົວລອດໃນສັງຄົມ ເມື່ອເວລາທີ່ລູກຢູ່ຫ່າງຈາກສາຍຕາຂອງເຮົາ ເຊິ່ງຈະເຮັດແນວໃດເຮົາມາອ່ານພ້ອມກັນເລີຍ

1 ສອນລູກວ່າຖ້າລູກເກີດພັດຫຼົງທາງ ຫຼື ຮູ້ສຶກວ່າບໍ່ປອດໄພ ໃຫ້ເບິ່ງຫາແມ່ທີ່ມາກັບຕົນເອງທັນທີ ເພື່ອຂໍຄວາມຊ່ວຍເຫຼືອເປັນຄົນທຳອິດ

2 ສອນໃຫ້ລູກຮູ້ວ່າ ຖ້າເກີດຫຍັງຂຶ້ນກັບຮ່າງກາຍຂອງຕົນເອງໃຫ້ຟ້າວບອກພໍ່-ແມ່ ທັນທີ ຢ່າໄດ້ເກັບຄວາມລັບກ່ຽວກັບເລື່ອງນີ້ເອົາໄວ້

3 ຄິດສ້າງຄຳເວົ້າທີ່ເປັນລະຫັດລັບລະຫວ່າງລູກກັບທ່ານ ແລະ ສອນໃຫ້ລູກໃຫ້ຮູ້ຈັກວິທີສົ່ງຂໍ້ຄວາມເມື່ອເວລາທີ່ທ່ານກັບລູກຢູ່ຫ່າງໄກກັນ

4 ສອນໃຫ້ລູກຮູ້ວ່າຖ້າສັງເກດ ຫຼື ຮູ້ສຶກວ່າກຳລັງມີໃຜຍ່າງນຳ ຫຼື ຂັບລົດນຳມາ ໃຫ້ລູກແລ່ນສວນທິດທາງກົງກັນຂ້າມກັບລົດ ຫຼື ແລ່ນໄປຫາບ່ອນມີຄົນຫຼາຍໆ

5 ສອນລູກວ່າຖ້າມີຄົນແປກໜ້າພະຍາຍາມເຂົ້າມາຈັບຕົວ ໃຫ້ຫຼີກທັນທີ ຖ້າເຂົາຍັງຈະມາຈັບຕົວອີກ ກໍ່ໃຫ້ຮ້ອງຂໍຄວາມຊ່ວຍເຫຼືອທັນທີ

6 ສອນໃຫ້ລູກຮູ້ວ່າ ຢ່າຮັບຂະໜົມ ເຄື່ອງກິນ ຫຼື ສິ່ງຂອງຈາກຄົນແປກ ຫຼື ຄົນອື່ນທີ່ພໍ່-ແມ່ ບໍ່ໄດ້ອະນຸຍາດໃຫ້ເອົາ

7. ສອນໃຫ້ລູກຮູ້ວ່າ ຢ່າເຊື່ອໃຈຄົນແປກໜ້າ ຫຼື ຄົນອື່ນຫຼາຍກວ່າພໍ່-ແມ່ ຄົນໃນຄອບຄົວ ແລະ ຕົວເອງເດັດຂາດ ຢ່າຂຶ້ນລົດໄປກັບໃຜເດັດຂາດນອກຈາກຄົນໃນຄອບຄົວ

ທີ່ມາຈາກ:http://th.theasianparent.com/
ຕິດຕາມນານາສາລະ ກົດໄລຄ໌ເລີຍ!