ຫາກວັນໜຶ່ງຄວາມຮັກຂອງທ່ານເກີດມີມືທີສາມເຂົ້າມາແຊກລະຫວ່າງກາງ ແນ່ນອນວ່າຄົງຈະບໍ່ມີໃຜສາມາດຢູ່ເສີຍຄືທອງບໍ່ຮູ້ຮ້ອນໄດ້ ໃນຄໍລຳ ຊີວິດ ກັບ ຄວາມຮັກ ວັນນີ້ ເຮົາຈະມາແນະນຳວິທີຈັດການກັບພວກທີ່ມັກຍາດແຟນຄົນອື່ນ ຫາກຕອນນີ້ຄວາມຮັກຂອງທ່ານໃດກັບລັງມີມານເຂົ້າມາວຸ້ນວາຍຢູ່ ກໍ່ລອງເອົາວິທີ່ດັ່ງກ່າວນີ້ໄປໃຊ້ລອງເບິ່ງ
- ຢ່າໃຊ້ອາລົມ
ເພາະການໃຊ້ອາລົມບໍ່ໄດ້ຊ່ວຍຫຍັງໃຫ້ດີຂຶ້ນເລີຍ ມີແຕ່ຈະເຮັດໃຫ້ເລື່ອງທຸກຢ່າງຮ້າຍແຮງຂຶ້ນຕື່ມ ແທນທີ່ທ່ານຈະໄປໂວຍວາຍ ຫຼື ໃຊ້ກຳລັງກັບບຸກຄົນທີ່ເປັນມືທີສາມທີ່ມາພົວພັນກັບແຟນຂອງທ່ານ ຫຼື ໄປຕຳນິແຟນຂອງທ່ານແນວນັ້ນແນວນີ້ ທ່ານຄວນເຕືອນສະຕິໃຫ້ກັບບຸກຄົນທີ່ເປັນມືທີສາມ ດ້ວຍການສະແດງໃຫ້ຮູ້ວ່າ ທ່ານນີ້ແຫຼະເປັນຄົນທີ່ເໝາະສົມທີ່ສຸດສຳລັບເຂົາ
2. ພະຍາຍາມຂັດຂວາງມືທີສາມ ໃຫ້ອອກນອກວົງໂຄຈອນຊີວິດຮັກຂອງທ່ານເລີຍ ແຕ່ບໍ່ໝາຍຄວາມວ່າໃຫ້ທ່ານໄປເຮັດທ່ານທີລັງກຽດ ຫຼື ບໍ່ເປັນມິດກັບເຂົາ ບາງຄັ້ງທ່ານຕ້ອງເຮັດຄືໃຈດີ, ໃຈກ້ວາງ ຍອມໃຫ້ເຂົາເຂົ້າມາຮ່ວມກິດຈະກຳບາງຢ່າງນຳພວກທ່ານ ແຕ່ຢ່າຍອມໃຫ້ເຂົາເຂົ້າໃກ້ຄົນຮັກຂອງທ່ານແບບສອງຕໍ່ສອງເດັດຂາດ ພຽງແຕ່ສະແດງໃຫ້ເຂົາເຫັນເຖິງຄວາມຮັກລະຫວ່າງທ່ານກັບແຟນມີຫຼາຍພຽງໃດກໍ່ພໍແລ້ວ ຖ້າເຂົາຍັງມີຢາງອາຍ ຮູ້ຈັກດີຊົ່ວຢູ່ ເຂົາກໍ່ຈະເລີກວຸ້ນວາຍກັບຄົນຮັກທ່ານເອງ (ເວົ້າງ່າຍໆແຕ່ມີໜ້ອຍຄົນຈະເຮັດໄດ້ຂໍຢ່າໃຫ້ເລື່ອງແບບນີ້ເກີດຂຶ້ນກັບຂ້າພະເຈົ້າເລີຍ)
3. ປະເຊີນໜ້າກັບຄູ່ແຂ່ງຢ່າງເຊິ່ງໆໜ້າໄປເລີຍ ກໍລະນີທີ່ທ່ານເຫຼືອອົດແທ້ໆ
4. ທ່ານຄວນລົມກັບແຟນຂອງທ່ານແບບກົງໄປກົງມາບໍ່ອ້ອມຂ້ອມ ແລະ ຂໍໃຫ້ເຂົາເປັນຝ່າຍເລີກພົວພັນກັບຄົນນັ້ນແທນ ເພາະເລື່ອງນີ້ເປັນເລື່ອງທີ່ຕົບມືຂ້າງດຽວບໍ່ດັງ ບາງຄັ້ງອາດຈະບໍ່ແມ່ນຄວາມຜິດຂອງຝ່າຍດຽວ ບາງເທື່ອຝ່າຍຕົນເອງນັ້ນແຫຼະ ທີ່ເປັນຄົນນຳມືທີສາມເຂົ້າມາ.
ທີ່ມາຈາກ: http://www.mettadham.ca/
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!
ifram