ກະດູກ ເປັນອະໄວຍະວະທີ່ສຳຄັນຫຼາຍ ຄົນທີ່ຮັກສຸຂະພາບ ແລະບຳລຸງກະດູກ ດ້ວຍການເສີມແຄວຊຽມ ອາຫານທີ່ມີປະໂຫຍດ ບຳລຸງກະດູກ ອອກກຳລັງກາຍສະໝໍ່າສະເໝີ, ພຽງເທົ່ານັ້ນກໍຍັງບໍ່ພຽງພໍ ກັບການຮັກສາກະດູກໃຫ້ແຂງແຮງ ເພາະວ່າອາຫານທີ່ເຮົາກິນທຸກມື້ນີ້ ມີສ່ວນໃນການທຳລາຍກະດູກໄດ້
# ບັນຫາຂອງກະດູກ: ກະດູກທີ່ຖືກທໍາລາຍຈົນບາງ ມີຜົນຕໍ່ການເຈັບເປັນຂອງຮ່າງກາຍໄດ້ຫຼາຍ ເຮັດໃຫ້ເກີດພະຍາດໄດ້ຫຼາຍພະຍາດ ເມື່ອອາຍຸຫຼາຍຂຶ້ນ ໂດຍສະເພາະໃນຜູ້ຍິງທີ່ມີອາຍຸ 30 ປີຂຶ້ນໄປ ຄວາມໜາຂອງກະດູກ ຈະເລີ່ມຫຼຸດລົງ ຫາກບໍ່ໄດ້ບໍາລຸງກະດູກໃຫ້ແຂງແຮງດີ ກໍອາດເກີດກະດູກບາງ ແລະແຕກຫັກໄດ້ງ່າຍ ແລະເກີດພະຍາດກະດູກຜ່ອຍໄດ້
# ອາຫານທີ່ທໍາລາຍກະດູກ:
- ກາເຟ: ມີການວິໄຈຈາກສະຫະລັດອາເມລິກາວ່າ ການກິນກາເຟ ຫຼາຍກວ່າມື້ລະ 2 ແກ້ວ ມີຜົນເຮັດໃຫ້ກະດູກບາງໄດ້ ເນື່ອງຈາກຄາເຟອິນໃນກາເຟ ຈະເຮັດໃຫ້ຮ່າງການຂັບແຄວຊຽມອອກມາທາງປັດສະວະໄດ້
- ນໍ້າອັດລົມ: ມີຜົນເຮັດໃຫ້ພາວະກະດູກຫັກໄດ້ງ່າຍ ໂດຍຜູ້ທີ່ມັກກິນນໍ້າອັດລົມຕະຫຼອດ ຈະມີໂອກາດເກີດກະດູກຜ່ອຍຫຼາຍກວ່າຜູ້ທີ່ບໍ່ກິນ 3-4 ເທົ່າ
- ໂປຣຕີນຈາກຊີ້ນ: ໃນຊີ້ຈະມີກົດ ສົ່ງຜົນເຮັດໃຫ້ເກືອ ແລະແຄວຊຽມ ຖືກດຶງໂຕອອກຈາກກະດູກ, ການສຶກສາພົບວ່າ ຄົນທີ່ມັກກິນອາຫານທີ່ມີໂປຣຕີນສູງດົນໆ ຈະເຮັດໃຫ້ກະດູກບາງກວ່າຄົນທີກິນອາຫານແບບປົກກະຕິ
- ກິນອາຫານເຄັມ: ການກິນອາຫານເຄັມ ນອກຈາກຈະມີຜົນທີ່ບໍ່ດີຕໍ່ຮ່າງກາຍຫຼາຍ ໂດຍສະເພາະແມ່ນໝາກໄຂ່ຫຼັງ ແລ້ວຍັງສົ່ງຜົນໃຫ້ຮ່າງກາຍຂັບແຄວຊຽມອອກມາທາງນໍ້າປັດສະວະ ເຮັດໃຫ້ກະດູກອ່ອນ ແລະບໍ່ແຂງແຮງໄດ້ເທົ່າທີ່ຄວນ
# ວິທີເຮັດໃຫ້ກະດູກແຂງແຮງ:
- ກິນກາເຟ ບໍ່ໃຫ້ເກີນມື້ລະ 1-2 ແກ້ວ ຫຼືປ່ຽນມາກິນຊາຂຽວ ເຊິ່ງມີຄາເຟອິນໜ້ອຍ ແລະຍັງມີສານຕ້ານອະນຸມູນອິດສະລະທີ່ດີຕໍ່ຮ່າງກາຍອີກດ້ວຍ
- ຢຸດກິນນໍ້າອັດລົມ
- ຫຼີກລຽງການກິນອາຫານທີ່ມີໂປຣຕີນສູງ ໂດຍສະເພາະໂປຣຕີນຈາກຊີ້ນ ເລືອກກິນໂປຣຕີນຈາກຜັກ ເຊິ່ງບໍ່ສົ່ງຜົນຕໍ່ກະດູກໃຫ້ຫຼາຍຂຶ້ນເຊັ່ນ: ເຕົາຫູ້, ໝາກຖົ່ວ…
- ຫຼີກລຽງການກິນອາຫານເຄັມ ແລະໝີ່ ເຊິ່ງເປັນແຫຼ່ງຂອງເກືອໂຊດຽມ
- ອອກກຳລັງກາຍ ເປັນວິທີ ທີ່ຊ່ວຍໃຫ້ກະດູກແຂງແຮງ ບໍ່ວ່າຈະເປັນການຍ່າງ, ແລ່ນ, ເຕັ້ນແອໂລບິກ ຈະຊ່ວຍຄວາມໜາໃຫ້ກະດູກໄດ້
ທີ່ມາ: kaijeaw
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ