ທະນາຄານໂລກ ໄດ້ມີບົດບາດສຳຄັນຕໍ່ການຈັດຕັ້ງປະຕິບັດ ວຽກງານພັດທະນາເສດຖະກິດ-ສັງຄົມ
ຂອງ ສປປ ລາວ ດ້ວຍຫຼາຍຮູບແບບ ທັງການຊ່ວຍເຫຼືອລ້າ ແລະ ກູ້ຢືມດອກເບ້ຍຕ່ຳ ນັບແຕ່ປີ
2010-2014 ທະນາຄານໂລກ ໄດ້ໃຫ້ການຊ່ວຍເຫຼືອ ແລະ ຮ່ວມຈັດຕັ້ງປະຕິບັດບັນດາໂຄງການພັດ
ທະນາຢູ່ລາວ ມູນຄ່າ 270 ລ້ານໂດລາສະຫະລັດ ຫຼື ປະມານ 2.168 ຕື້ກີບ ເຊິ່ງນັ້ນໄດ້ເຮັດໃຫ້ພື້ນຖານ
ໂຄງລ່າງຂອງປະເທດ ໄດ້ຮັບການປັບປຸງດີຂຶ້ນເປັນກ້າວໆ.
ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຜູ້ຊີ້ນຳວຽກງານເສດຖະກິດ ໄດ້ຕ້ອນຮັບ
ການເຂົ້າຢ້ຽມຄຳນັບອຳລາ ຂອງຜູ້ຕາງໜ້າຫ້ອງການທະນາຄານໂລກ ປະຈຳລາວ ທ່ານນາງ ເຄໂກະ
ມີວະ ໃນວັນທີ 10 ກໍລະກົດ 2014 ຢູ່ທີ່ຫ້ອງວ່າການລັດຖະບານ ເຊິ່ງທ່ານຮອງນາຍົກລັດຖະມົນຕີ
ໄດ້ໃຫ້ການຕ້ອນຮັບອົບອຸ່ນ ສະແດງຄວາມຍ້ອງຍໍ-ຊົມເຊີຍ ຜົນສຳເລັດຂອງທ່ານນາງ ເຄໂກະ ມີວະ
ທີ່ໄດ້ປະກອບສ່ວນຢ່າງຕັ້ງໜ້າ ເຂົ້າໃນວຽກງານລະດົມຈາກບັນດາປະເທດເພື່ອນມິດ ແລະ ສາກົນ
ເພື່ອຊ່ວຍເຫຼືອວຽກງານການພັດທະນາຢູ່ລາວ ອັນເຮັດໃຫ້ພື້ນຖານໂຄງລ່າງດ້ານເສດຖະກິດ-ສັງຄົມ
ເປັນຕົ້ນແມ່ນ ຕາໜ່າງດ້ານວຽກງານສຶກສາທິການ ແລະ ສາທາລະນະສຸກມີການປັບປຸງດີຂຶ້ນ
ສຳລັບທ່ານນາງ ເຄໂກະ ມີວະ ໄດ້ມາຮັບຕຳແໜ່ງຜູ້ຕາງໜ້າຫ້ອງການທະນາຄານໂລກ ປະຈຳລາວ
ແຕ່ເດືອນສິງຫາ ປີ 2010 ເປັນຕົ້ນມາ.
ແຫຼ່ງຂ່າວ: Vientiane Mai Online