ໃນຕອນເຊົ້າ ຂອງວັນທີ 1 ກັນຍາ 2016 ທີ່ຫ້ອງວ່າການສຳນັກງານນາຍົກລັດຖະມົນຕີ ໄດ້ຈັດກອງປະຊຸມກວດກາຄືນຄວາມພ້ອມ ຂອງອະນຸກຳມະການພາຫະນະ ຮັບໃຊ້ກອງປະຊຸມສຸດຍອດອາຊຽນ. ພາຍໃຕ້ການເປັນປະທານຂອງທ່ານ ຄຳລາວັນ ຈັນທະລາວັນ ຮອງຫົວໜ້າຫ້ອງວ່າການ ສຳນັກງານນາຍົກລັດຖະມົນ ຕີ, ທັງເປັນຫົວໜ້າອະນຸກຳມະການພາຫະນະໂດຍມີບັນດາຄະນະໃນອະນຸກຳມະການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມຄັ້ງນີ້, ໄດ້ຮັບຟັງການລາຍງານຄວາມພ້ອມໃນດ້ານຕ່າງໆ ທີ່ຢູ່ໃນຄວາມຮັບຜິດຊອບຂອງອະນຸກຳມະການພາຫະນະ ເປັນຕົ້ນ ດ້ານພາຫະນະ, ດ້ານເຕັກນິກ, ດ້ານບຸກຄະລະກອນ ລວມທັງ ການສື່ສານ, ອຸປະກອນອື່ນໆ ທີ່ກ່ຽວຂ້ອງ ຕະຫຼອດຮອດການແບ່ງຄວາມຮັບຜິດຊອບ ໃຫ້ແຕ່ລະບຸກຄົນ. ບັນດາວຽກຕ່າງໆ, ມາຮອດປະຈຸບັນ ແມ່ນມີຄວາມພ້ອມເປັນຢ່າງດີແລ້ວ. ແຕ່ສິ່ງທີ່ຍັງໄດ້ສືບຕໍ່ປະຕິບັດ ຄືການຝຶກຊ້ອມຕົວຈິງ ໃຫ້ມີຄວາມຄ່ອງແຄ້ວຊຳນານຂຶ້ນກວ່າເກົ່າ.

ຂ່າວຈາກ: 
ຕິດຕາມຂ່າວເສດຖະກິດລາວ ກົດໄລຄ໌ເລີຍ!