ພະແນກການອຸດສະຫະກໍາ ແລະ ການຄ້ານະຄອນຫລວງວຽງຈັນ, ໄດ້ອອກແຈ້ງການເຖິງບັນດາເຈົ້າຂອງຕະຫລາດ, ສູນການຄ້າ, ບໍລິສັດ, ຫ້າງຮ້ານ ແລະ ຫົວໜ່ວຍທຸລະກິດ ຕະຫລອດຮອດບັນດາຊາວຄ້າຂາຍສີນຄ້າທຸກປະເພດ ບໍ່ໃຫ້ວາງສີນຄ້າ, ປ້າຍໂຄສະນາ, ໂຕະຕັ່ງ, ລໍ້, ລົດບັນທຸກ ເພື່ອຂາຍສີນຄ້າ ຂອງຕົນກວມເອົາເຂດທາງຍ່າງ, ແຄມທາງ ແລະ ພື້ນທີ່ສາທາລະນະໃນຕົວເມືອງ ເປັນຕົ້ນ: ເສັ້ນທາງໜອງບອນ, ຄູວຽງ, ເຕ4 ແລະ ອື່ນໆ ໂດຍເດັດຂາດ, ຕ້ອງເຂົ້າໄປຂາຍໃນຂອບເຂດຕະຫລາດທີ່ມີການຈັດສັນຢ່າງເໝາະສົມເທົ່ານັ້ນ, ບັນດາຕະຫລາດ, ສູູນການຄ້າ ແລະ ຫ້າງຮ້ານຕ່າງໆ ໃຫ້ເພີ່ມທະວີເອົາໃຈໃສ່ຮັກສາຄວາມສະອາດຈົບງາມ ແລະ ຄວາມເປັນລະບຽບຮຽບຮ້ອຍພາຍໃນຂອບເຂດຄວາມຮັບພິຊອບຂອງຕົນໃຫ້ດີ, ໂດຍມອບໃຫ້ຂະແໜງການຄ້າຂັ້ນເມືອງຕິດຕາມກວດກາ ແລະ ຫາກພົບເຫັນມີການລະເມີດແມ່ນໃຫ້ປະຕິບັດມາດຕະການຕາມລະບຽກົດໝາຍ.

ທັງນີ້ກໍເພື່ອແກ້ໄຂບັນຫາການຂາຍເຄື່ອງຊະຊາຍຕາມແຄມທາງ, ການຈອດລົດຊະຊາຍ, ອັນເປັນສາເຫດຕົ້ນຕໍ່ເຮັດໃຫ້ການສັນຈອນມີຄວາມແອອັດສັບສົນ ແລະ ເສັ້ນທາງເປີະເປື້ອນໝົດໄປເທື່ອລະກ້າວ ເພື່ອສ້າງຂະບວນການຕ້ອນຮັບກອງປະຊຸມສຸດຍອດອາຊຽນຄັ້ງທີ 28, 29 ແລະ ກອງປະຊຸມສໍາຄັນປີ່ນອ້ອມອື່ນໆ ໃຫ້ມີຜົນສໍາເລັດຢ່າງຈົບງາມ.

ຂ່າວຈາກ: ໜັງສືພິມລາວພັດທະນາ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!