ສຳນັກຂ່າວຕ່າງປະເທດ ລາຍງານໃນວັນທີ 25 ສິງຫານີ້ວ່າ ໃນເວລາ 03:36 ໂມງ ຕາມເວລາທ້ອງຖິ່ນ ຂອງວັນທີ 24 ສິງຫາ 2016 ຜ່ານມານີ້ ໄດ້ເກີດເຫດແຜ່ນດິນໄຫວ ຂະໜາດ 6.2 ຣິກເຕີ້ ໃກ້ກັບເມືອງ Norcia ຫ່າງຈາກ ນະຄອນຫລວງໂຣມ ປະເທດອີຕາລີ ໄປທາງຕາເວັນອອກສຽງເໜືອ ປະມານ 100​ ກິໂລແມັດ ສ້າງຄວາມເສຍຫາຍຢ່າງມະຫາສານ ໂດຍທ່ານ ມັດເຕໂອ ເຣນຊີ ນາຍົກລັດຖະມົນຕີອີຕາລີ ໄດ້ອອກມາປະກາດໃຫ້ ເຫດການແຜ່ນດິນໄຫວຄັ້ງນີ້ ເປັນສະຖານະການໄພພິບັດແຫ່ງຊາດ ຊຶ່ງມາຮອດປັດຈຸບັນ ຍອດຜູ້ເສຍຊີວິດຈາກເຫດການດັ່ງກ່າວ ໄດ້ເພີ່ມຂຶ້ນສູງເປັນ ຢ່າງໜ້ອຍ 159 ຄົນແລ້ວ ໂດຍໃນນັ້ນລວມມີທັງເດັກນ້ອຍຢູ່ນຳ ແລະ ມີຜູ້ໄດ້ຮັບບາດເຈັບອີກ 368 ຄົນ ໃນຂະນະທີ່ປະຊາຊົນອີກຫລາຍພັນຄົນ ກາຍເປັນຜູ້ບໍ່ມີທີ່ຢູ່ອາໄສຊົ່ວຄາວ.

ຕິດຕາມເຮົາທາງFacebook ກົດຖືກໃຈເລີຍ!