spot_img
Homeຂ່າວພາຍ​ໃນເລຂາທິການໃຫຍ່ ເນັ້ນສັບຊ້ອນກົງຈັກການຈັດຕັ້ງ ໃຫ້ກະທັດຮັດເຂັ້ມແຂງ ຫລີກເວັ້ນຈຸ້ມເຈື້ອ-ພັກພວກ!

ເລຂາທິການໃຫຍ່ ເນັ້ນສັບຊ້ອນກົງຈັກການຈັດຕັ້ງ ໃຫ້ກະທັດຮັດເຂັ້ມແຂງ ຫລີກເວັ້ນຈຸ້ມເຈື້ອ-ພັກພວກ!

Published on

ຂປລ. ​ໃນໂອກາດ​​ເຂົ້າຮ່ວມແລະ ພົບປະ​​ໂອ້ລົມ ກອງປະຊຸມວຽກງານຈັດຕັ້ງທົ່ວປະເທດ​ ຄັ້ງທີ 10 ​​ວັນທີ 24 ສິງຫາ ນີ້ ທີ່ສະໂມສອນ​ ຫ້ອງວ່າການສູນກາງພັກ (ຫລັກ 6) ສະຫາຍ ບຸນຍັງ ວໍລະຈິດເລຂາທິການໃຫຍ່ ຄະນະບໍລິຫານງານສູນກາງ ພັກປະຊາຊົນປະຕິວັດລາວໄດ້​​​ໃຫ້​ທິດ​ຊີ້​ນໍາ ​ແລະ ​ເນັ້ນ​​ບັນດາສະຫາຍ ຜູ້ທີ່ເຮັດວຽກງານຈັດຕັ້ງ ໃຫ້​​ເອົາໃຈໃສ່ປັບປຸງ ສັບຊ້ອນກົງຈັກການຈັດຕັ້ງ ໃຫ້ມີຄວາມກະທັດລັດ, ​ເຂັ້ມແຂງ, ມີປະສິດທິພາບ, ​ເພີ່ມທະວີຄວາມເຂັ້ມແຂງ​ ຂອງລະບົບການເມືອງ, ສ້າງເງື່ອນໄຂແລະ ຄວາມເຊື່ອໝັ້ນ ເພື່ອດຶງດູດນັກລົງທຶນ, ຍາດແຍ່ງການສະໜັບສະໜູນຊ່ວຍເຫລືອ​ ຈາກພາຍໃນແລະ ຕ່າງປະເທດ. ພ້ອມນີ້,ຕ້ອງເພີ່ມທະວີການນໍາພາ​ ດ້ານການເມືອງແນວຄິດ, ສ້າງຄວາມເຂົ້າໃຈເປັນເອກະພາບເລິກເຊິ່ງ​ ໃນຖັນແຖວພະນັກງານ, ສະມາຊິກພັກ, ບັນດາການນໍາແຕ່ລະຂັ້ນ​ ຕ້ອງເປັນແບບຢ່າງນໍາໜ້າເຮັດແທ້ທໍາຈິງ, ປະຕິບັດຢ່າງຖືກຕ້ອງພາວະວິ​​​ໄສ, ຫລີກເວັ້ນລັກສະນະຈຸ້ມເຈື້ອ, ພັກພວກ, ຕ້ອງມີຄວາມຊື່ສັດ, ​ເປັນທໍາ, ບໍ່ອັກຄະຕິເພື່ອປະຕິບັດວຽກງານ​ ດ້ວຍຄວາມຖືກຕ້ອງ,ທ່ຽງທໍາແລະໂປ່ງໃສ.

ສະຫາຍ ບຸນຍັງ ວໍລະຈິດ ກ່າວຕື່ມວ່າ: ການປັບປຸງກົງຈັກການຈັດຕັ້ງ​ ​ແລະ ກົນໄກການບໍລິຫານຄຸ້ມຄອງ ແມ່ນໜຶ່ງໃນເນື້ອໃນແລະ ອົງປະກອບຂອງສີ່ບຸກທະລຸ ທີ່ບໍ່ສາມາດປະຕິເສດໄດ້ວ່າ ຄວາມອ່ອນ​​ແອ, ຄວາມຫຍຸ້ງເຫຍີງ ຂອງລະບົບກົງຈັກການຈັດຕັ້ງແລະ ກົນໄກຄຸ້ມຄອງບໍລິຫານ ໄດ້ກາຍເປັນໜຶ່ງໃນຕົວບັນທອນຕົ້ນຕໍ​ ຕໍ່ການສ້າງຄວາມເຂັ້ມແຂງ ໃນການພັດທະນາເສດຖະກິດສັງຄົມ, ທັງເປັນຊ່ອງຫວ່າງອັນກ້ວາງຂວາງ ໃຫ້ແກ່ການເກີດປະກົດການຫຍໍ້ທໍ້ ໃນທົ່ວລະບົບການເມືອງ. ສະນັ້ນ, ເຮົາຕ້ອງຮີບຮ້ອນແກ້ໄຂຢ່າງຈິງຈັງໂດຍຮັບປະກັນ 5 ດ້ານ ເປັນຕົ້ົ້ນ ກົງຈັກບໍ່ໃຫ້ໃຫຍ່ໂຕ, ຕໍາແໜ່ງງານເໝາະສົມ, ພາລະບົດບາດຈະແຈ້ງຄົບຖ້ວນ, ບໍ່ຊໍ້າຊ້ອນກ້າວກ່າຍກັນ, ສ້າງລະບົບກົນໄກແລະ ມີແບບແຜນວິທີເຮັດວຽກທີ່ດີ, ມີລັກສະນະໂລ່ງລ່ຽນ, ວ່ອງໄວມີປະສິດທິພາບ, ສາມາດຄັບເຄື່ອນສອດຄ່ອງຕາມແນວທາງ, ​ແຜນນະໂຍບາຍແລະ ລະບຽບກົດໝາຍ, ​ໂປງໃສກວດສອບໄດ້ແລະ ບໍລິການຮັບໃຊ້ປະຊາຊົນຢ່າງສຸດໃຈ, ບໍ່ອາດຍາສິດພ້ອມກັນນັ້ນຕ້ອງຄົ້ນຄວ້າຢ່າງຮອບຄອບແລະ ກໍານົດບັນດາມາດຕະການ ສັບຊ້ອນພະນັກງານຄືນໃໝ່ຢ່າງເໝາະສົມ ໂດຍແກ້ໄຂບາງບັນຫາຕົ້ນຕໍ ເຊັ່ນ: ຫລຸດຕໍາແໜ່ງງານແລະ ຈໍານວນຄົນໃນຂົງບໍລິຫານ ຕິດພັນກັບການສ້າງລະບົບທີ່ເໝາະສົມ ເພື່ອຫັນເປັນທັນສະໄໝໂດຍໄວ, ຫັນພະນັກງານຈາກຂົງເຂດບໍລິຫານ ໄປເພີ່ມເຂົ້າໃນຂົງເຂດຄົ້ນຄ້ວາວິໄຈ ຫລື ຫັນໄປສູ່ຂົງເຂດການຜະລິດທຸລະກິດແລະ ຫັນພະນັກງານສູ່ຮາກຖານຢ່າງຈິງຈັງເພື່ອເປັນພະນັກງານນໍາພາ ຫລື ກາຍເປັນນັກພັດທະນາກອນຢູ່ຮາກຖານແລະ ມີນະໂຍບາຍຮອງຮັບທີ່ເໝາະສົມ. ພ້ອມກັນນັ້ນກໍຄວນດໍາເນີນການທົດລອງ ເພື່ອເປັນລະບອບສອບບັນຈຸ​ ພະນັກງານນໍາພາຄຸ້ມຄອງ ໃນຂົງເຂດບໍລິຫານແລະວິຊາການທີ່ຈໍາເປັນເພື່ອກະຕຸ້ນການແຂ່ງຂັນພັດທະນາຕົນເອງແລະເລືອກໄດ້ພະນັກງານທີ່ມີຄຸນນະພາຢ່າງແທ້ຈິງ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...